Tilbake til normalen. Sort of.

Categories Dyrehagen, Globetrott, Kjære Dagbok

Måndag landa flyet mitt på Flesland klokka 10.26, og totalt hadde eg fått litt over 4 timar søvn natta før. Det tok meg to RedBull nesten på rappen for å halde gluggane opne, og eg drog på ein koffert som kunne ha romma ein liten familie på campingtur. Ein sekk tung som bly, ein plastpose full i taxfree-varer og ei veske med naudsynte fly-artiklar over skuldera. Det bles nordavind frå alle kantar, og iskalde regndråpar var det fyrste som ynskja meg velkomen heim.
Heim til Dùnedain, Pixiebelle, Khavelusk og pippegutta mine <3 Så får det heller vere at det blei mange timar på flyplassen, gørr-ekkel frukost (det var ikkje måte på kor mykje majones dei skulle putte i baguetten min som eg kjøpte i hurten og styrten, for ikkje å snakke om at eg ba om cola zero og fekk cola….Kunne ikkje forstå kvifor eg drakk og drakk, og var like tørst?! xD ) og eit aldri så lite overforbruk i taxfree’en. Men eg var flink; eg kjøpte INGEN kosmetikk, for eg har for nemleg bestemd meg for å bruke opp det eg har! :p

Då Dùnedain omsider svinga inn framfor flyplassen, var verda heilt perfekt igjen. Me konkluderte begge to med at det er FÆLT å vere vekke frå kvarandre, og at me elskar kvarandre så masse at me blir litt svimle begge to, og at neste gong me reiser på ferie, skal me reise i lag. Me er så søte at ein kan få hòl i tenna av mindre….
Så reiste me avgarde og henta Elessär Eärendil, verdas nydelegaste vetle schäfer-gut. Dùnedain var, og er framleis, stolt som ein hane over nurket, og beibisen vår følgjer oss hakk i hæl kvar me enn går. Namnet hans er henta frå Ringenes Herre, sånn i tilfelle nokon lurte. Elessär var allereie bestemd (namnet til Aragorn då han blei konge), men den kvite stjerna i panna til voffen, gjorde at han i tillegg måtte få namnet Eärendil, etter Eärendil Sjøfareren, som bar Morgonstjerna i panna. Så der, sånn i tilfelle nokon lurte.

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

Han er rett og slett perfekt. Han er audmjuk, utan å bli skremmande underdanig. Han lærer på 1-2-3, han er kosete, roleg, nyfiken, venleg mot alle….Kort sagt; ein herleg kosebamse med eit hjarte av gull. Han er til og med LANGT på veg stoverein, og dei små uhella som har vore må klandrast på oss som ikkje har reagert for nok når han har gitt beskjed. Han kan allereie sit og kom, har forstått namnet sitt, og eg kan rett og slett ikkje skryte meir av denne nye ungen min!! <3

Resten av flokken er vel så som så når det kjem til synet på dette nye flokkmedlemet. Pixie furtar, for ho vil jo helst vere minstejenta og prinsessa i huset. Så ho furtar, og Elessär blir stort sett møtt med snerring og sure grynt. Me freistar å gje ho så masse merksemd som overhovud mogleg, sånn at ho ikkje skal føle at alt fokuset ligg på veslebroren, og eg tenkjer eg prøver å ta ho med til Krisse-papsen når moglegheita byr seg.

Det er snakk om baby steps foreløpig, men det går betre og betre med forholdet mellom dei. Så me jobbar oss mot det målet at dei blir gode vener på sikt. Ingen har til no mista nokre lemmer, og Pixie bjeffar så absolutt meir enn ho bit! Det er ikkje akkurat den heilt store tanngarden å snakke om i kjeften på den jenta…

Khavi derimot, er noko ambivalent.

Ho kavar seg ikkje opp på nokon måte, men er ein smule skeptisk om broren kjem for nær. Litt sutrete fordi ho ikkje får ut, men eg kjenner ho så godt at eg VEIT kva som skjer om eg slepp ho ut no. Det blir ei veke på hurra-tur, det! Ho nektar å kome heim før balansen er gjennoppretta….Og sidan Elessär no er her på permanent basis, så skjer ikkje det akkurat. Dermed er ho inne-bunden fram til ho har akseptert han. Heldigvis er ikkje Elessär på nokon måte overdrive innpåsliten eller aggressiv, så det går nok fortare enn eg i utgongspunktet frykta. Khavi er i tillegg ikkje ein pus som har vanskeleg for å akseptere andre dyr.

Og dei to minste broremannane, Frost og Fimbul? Dei drit i heile den nye bikkja, bokstaveleg talt. I går var dei til og med på golvet og hoppa, og på det tidspunktet var det nok mamsen som var mest nervøs her! xD

Alt i alt er eg pr. no verdas stoltaste 5-borns mor. Og innser at det så absolutt blir naudsynt å leite etter større kåk når det går mot vinter….

Bye bye Warszawa!

Categories Globetrott

Soundtrack: Klimaanlegget…

Så var eg ferdig i Polen. For denne gong, i alle fall. I dag har det blitt masse museum, litt shopping, og ein siste tur på PizzaHut for å momse pizza med ost INNI skorpa. Det er faktisk ganske episk! Fuck you, Domino! Det var PizzaHut me skulle fått, når dei på død og liv skulle fjerne Dolly!! *snufs*

Med det pakkar eg ned data’n, og satsar på å få laste opp litt bilete etterkvart, sidan så mange av bileta er i RAW-format. Vil nok ta litt tid å konvertere, er eg redd…Men den tid, den sorg. No skal eg lalle, og i morgon på denne tida, er eg tilbake i armane til Dùnedain’en min! Med ny beibi som skal halde oss i ande den nærmaste framtida! Slett ikkje den verste måten å avrunde ferien på! 😉

Annonsørinnhold
Hoka på salg: Kupp årets modeller til nedsatt pris
Hoka på salg: Kupp årets modeller til nedsatt pris

Den FANTASTISKE dagen, og den litt meir kjipe dagen….

Categories Globetrott

Soundtrack: The Prodigy –  Poison

I går vakna eg og følte meg alt anna enn bra. Eg var kvalm, hadde vondt i magen, slapp som ein sekk med gamle ballongar, og nemnde eg kvalm?
Det blei ikkje til at eg klarte å gå ned og ete frukost, og sov heller til klokka tikka mot 14. Blæh.
Så tvinga eg meg ut av senga, dytta nedpå ein RedBull, og vurderte om eg orka noko som helst. Det gjorde eg.

Langt uti periferien låg det eit bilmuseum, av alle ting! Det såg eigentleg mest ut som ein nedrend hillbilly-gard, med massevis av gamle bussar og britiske telefonkioskar utanfor. Og på innsida hadde polakkane verkeleg demonstrert sine parkeringskunstar; det stod bilar hulter til bulter i alle rettningar. Men det var faktisk ganske spennande fordi om! Eg fann tross alt noko tilsvarande draumebilen min der!

Annonsørinnhold
Oversikt over salgene: De beste kuppene nå
Oversikt over salgene: De beste kuppene nå

Noko sånt skal eg ein dag cruise rundt i!! Sjølv om det skulle vore ei boble. Med svarte prikkar. Men details-schmetails! xD

Inni eit mørkt hjørne dukka denne dama opp! Dæng, fekk lyst å ta ho med meg heim og starte eit vaskeekte haunted house! Hadde strengt tatt ikkje treng meir enn ho, vil eg tru?

Til og med Santa Claus sitt køyretøy var utstilt her! 😀

Vel, omtrent sånn var museumet. Absurd koseleg, på ein veldig merkeleg måte!

Det var seriøst så masse rart utstilt på denne plassen. Leikebilar og store bilar, jau den ser eg. Men så var det hjelmar og syklar og gamle radioar og toxido-overdelar og flosshattar og….Det var ikkje måte på.

Suvinirar, JA TAKK! Eg fann endå ein av draumebilane mine på veg ut, så eg var jo nøydd å kjøpe med meg eit eksemplar! FLOWER POWER PPL!!

Og før eg runda av, måtte eg knipse eit bilete av museumsskiltet. Om ikkje anna, så var i alle fall dei som jobba der superkoselege! ^^

Så byrja magen min å skrike etter mat, så ruta gjekk innom eit random kjøpesenter for å fylle vomma. Fredagar skal etter tradisjonen vere kose-dag, så her blei det BIFF!!! Og OH. MY. GOD!! Den biffen og den pommes fritesen og den peparsausen eg til slutt fekk på tallerken min?!

Det ser kanskje ikkje ut som dei heilt store greiene, men eg åt så eg trudde eg skulle sprekke! Det var sååååå godt!!
Shoppa meg ferdig, brukte som vanleg i overkant masse pengar, og så bar det heimover. Oppdaga undervegs at det stod svære flokkar med folk på alle bruene, og kom på at det var jo måneformørkring denne kvelden! Men eg kan ikkje skryte på meg at fotograf-kunstane mine stod i høgsetet når eg ikkje hadde speiglrefleksen min tilgjengeleg der og då….

Hahaha! Dette var det beste bilete eg fekk til, gitt! Det går knapt an å sjå kva som er måne og kva som er gateljos! Ti poeng til dei som kan lokalisere den! xD

Så var det ein ny dag, med nye moglegheitar. Som eg startar med å forsove meg til frukosten….! Dæng. Eg hadde sjokolade, litt kjeks og RedBull på rommet. Samt massevis av pepsi max. Så det blei frukosten denne dagen.
Men up and away, og rett til papegøyeland!! Den var noko kinkig å finne vegen til, men til sist gjekk det! Ein svær HALL med fuglar!!

Fyrst blei eg bestis med denne jacko’en. Han var heilt herleg, og ville ikkje la meg kome derifrå med det fyrste! xD

Helstast ville eg kose med kakadue-frøkena, men ho ville ikkje prate med nokon. Berre stele frø, og vere i fred.

Den raude araen sette seg godt til rette over meg, og slapp ein diger SPLÆT ned på armen min! xD Tullegøye. For så vidt fekk me ikkje lov å kose med arapapegøyar. Eine fuglemannen der sa noko om at det hadde vore så mange skadar fororsaka av ‘gøyane som involverte alvorlege fingerskvisingar, så derfor måtte dei få vere i fred.

Eg gjorde ingenting mindre enn å STORKOSE meg, trass i at det var sikkert 40 varmegrader der inne! Det var fuglar OVERALT, og dei var såååå sosiale! Lokkri blir heilt i 7. himmel av sånne ting. Så for min del var dagen redda, og gårsdagen gløymd.

Så blei det lunsj på Dunkin’ Donuts.

Dei har vel og merke nokre fantastisk gode kylling – og ostepaniniar der! Hadde det ikkje vore for all majonesen dei klæsjar på….Ewww….Men eg blei mett og nøygd, og kjøpte med meg ein sjokolade-donut til dessert.

Til slutt rundast dagen av med ein visitt til gamlebyen igjen. Eg likar meg der. Rusla litt i gatene, kjøpte meg ein borke-dverg av ein skjønn eldre mann som sat på ei bru og skar dei ut, fekk kjøpt inn mine obligatoriske suvinirar (shotteglas og magnet til kjøleskapet), og åt noko tortillas-greier med ost og kylling på PizzaHut. Og så måtte eg prøve soft-isen deira her nede. Ikkje like god som den norske, sånn PS.
Vitja òg eit museum med miniatyr-bygningar frå før tyskarane lagde fullstendig Texas i Polen:

Las ein plass på nettet at det var noko spesielt med denne søyletingen her. Så eg tok for skams skuld eit bilete av den.

Slottet me vitja den dagen eg ikkje fekk lasta opp bilete!

Og så fann eg eit bord på ein stengd frisørsalong i utkanten av gamlebyen! Og eg vil ha eit sånt!!

Det var laurdagen og gårsdagen. Ein dag igjen, og så returnerar eg til folk og fedreland! <3 Litt vemodig at eventyret er over, men eg likar Polen. Og eg er ganske sikker på at eg returnerar på sikt!

Warszawa Zzzzzzoo….

Categories Globetrott

Soundtrack: Rammstein – Wiener Blut

For gjett kven som blei solbrend i dag? Jepp, det var underteikna.

Annonsørinnhold
Hoka på salg: Kupp årets modeller til nedsatt pris
Hoka på salg: Kupp årets modeller til nedsatt pris

Det visar kanskje ikkje så godt på dette bilete, men om du granskar skuldera mi nøye, kan du tydeleg sjå at fargespelet ikkje stemmer heilt. Raud er eg, okke som. Pyttsann, raudt er òg ein farge!

Men ja. Dyrehagen! Den var ikkje det heilt store i mine auge. Den var passe stor for ein rusletur, sånn for folk sin del, men dyra hadde det ganske så stusseleg. Og varmt. Til og med løvene, som er van med steikande varme på dei afrikanske savannene, nekta å kome ut og vise seg. Alle vil helst vere inne, eller i skuggen. Ikkje at eg klandarar dei; det var ganske så keisame område dei hadde å boltre seg på! Fuglane spesielt; bura for altfor små for opptil 4-5 ørner som budde saman! Inniseg-au….Eg har i tillegg lyst å irritere meg over borna som hoia og banka på glasa og generelt sett må vere særs slitsame for dei allereie dritleie dyra. Gah! Men det er jo ikkje så lett å forstå for små born, spesielt når foreldra LAR borna gjere det, og i tillegg oppfordrar til deg! *frese*

Søtaste bisonen som rydda vekk teite stubbar som tydelegvis var særs masse i vegen for han! <3

I Poland har dei grus grus grus, som har 2 jaja! xD

Gorilla-mann med godt trent rompe!!

Og den afrikanske elefanten nektar å snu seg. Så etter tre forsøk, så må han nesten få lov å bli liggjande.

Så fekk eg gnagsår, og måtte kome meg heimatt utan sko. Noko til joggesko eg kjøpte meg….! *fnys* Men eg hadde sandalar på hotellet, så eg skulle berre “nett” heim og byte. Og kvile bittelitt. Og deeer sovna eg.
Nokre timar seinare vakna eg, i overkant fortumla, og innsåg at eg burde kanskje gjere noko meir ut av dagen før den var heilt over? Fotografere kyrkjegardar til dømes!! Det er standard når eg er på tur.
Kyrkjegardar er noko av det beste med utlandsturar for min del; det er fantastisk å sjå korleis folk i andre land tek var på ettermæle til sine kjære, i motsetjing til kor “enkelt” det er i Noreg! Det er statuer, bilete av avdøde, englar og lykter i skjønn foreining. Eg elskar det. Og av og til får eg nokre heilt nydelege bilete ut av det òg!

Litt småfreaky at nokre av gravene var gjerda inn med PIGG-kjetting, men kva gjer ein ikkje for å halde zombiane på avstand?

Denne var så trist-vakker som den kunne bli; den vetle guten som blei gravlagd, har til og med fått ei statue av seg sjølv!

Fleire av gravene var i tillegg gravd opp! Eg freista diskrèt å kike nedi nokre av dei, men dei var heilt tomme. Kors på halsen. (nedi ei av dei såg det seriøst ut som om nokon hadde klatra ut, vel og merke! Ooooh….!)

Dei har forresten særs kloke kattar her nede; dei kan lese skilt! For eg såg ikkje ein einaste katt på kyrkjegarden!!

Ein liten tur på eit kjøpesenter og nokre KFC-kyllingbitar seinare, samt ein liten runde i nabolaget og utover mot landsbygda, og eg er tilbake i senga igjen. Kva morgondagen bringer anar eg faktisk ikkje, for eg har faktisk fått sett det av serverdigheitar som eg hadde planlagd!

Eg er alltid så imponert over kor glade folk i resten av Europa er i friske blomar! I Noreg er du heldig om du får tak i nokre dugande roser til ein overkomeleg pris!

Rafael-kake!!!!

Landsbygda i Polen. Faktisk særs tiltalande! <3

Så var det ein SÅNN dag….

Categories Globetrott

Soundtrack: SandmarX – Tornado

Planen i dag var dyrehagen. Men halvvegs dit, bestemde vèrgudane for å tømme ut all sin vrede i form av eit helsikes regnvèr. Så la oss sei det slik; change of plans.
Det skulle visstnok liggje eit loppemarknad på andre sida av byen, og sidan det blei opphald i styggavèret, gjekk turen dit. Atter ein bomtur. Det stod to bord midt på plassen, og ei eldre dame rota kring i nokre kleshaugar som låg litt tilfeldig slengd utover på dei. Ved inngongen sat det ein kar med fem stereoanlegg, type hip på 90-talet, med kassettspelarar og det heile. Og på andre sida av ein relativt stor plass, var det ein eldre herremann som såg ut som han anten dreiv å opna eller stengde ein bod med rot, ræl og bileterammer.
Kopernik Science Senter høyrdes jo koseleg ut, men til og med her gjekk det på hue og rævva. Etter å ha stått i kø litt lengjer enn det eg vil sei var koseleg, sit det ei sliten dame i billettluka, og sukkar: -No tickets. We only have tickets after 4 o’ clock.
Senteret var proppfult av småbornsfamiliar, så det var kanskje fleire som ikkje ville leike ute med regn i lufta?

Heldigvis var Det Kongelege Slottet i Warszawa ope, og til og med gratis i dag! Hipp hurra! Eg ELSKAR historiske bygningar med orginale, gamle møblar og dingsebomsar og klesdrakter og smykker og….Hæ? Bomba tyskarane like greit heile skiten tilbake til steinalderen under 2. verdskrig?? Og øydela så godt som alt som stod inni?
Alt som tydelegvis blei igjen, var nokre gamle bøker og dokument, ei handfull gamle kunstgjenstandar, og to gullforgylte tronstolar. Palasset var gjennoppbygd, men det var ingen replika av inventaret. Det vil sei; det var to rom som dei hadde freista å gjenskape. Eit kontor og noko som minna mest om eit….rom. Det var ein peis, litt dilldall og pynteting, samt nokre stolar. Imponerande. Inntrykket blei ikkje betre av at det KRYDDE av alle slags vaktar og passe-damer som konstant ba deg gå i motsatt rettning, motsatt dør eller som nekta deg å ta med sekken din. Resultatet blei at eg måtte ta runden kring slottet med lommebok og mobiltelefon i baklomma, samt kamera kring halsen.
Det er nesten så ein kan vere aldri så lite grann happy for at dette berre var ein replika av slottet; tenk for eit vakthald som måtte vore på plass dersom orginaldelane var på plass!?

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

Middag på PizzaHut, ein tur innom ei ekte Lokkri-sjappe som selde haremsbukser og nepalske vesker og arabisk-inspirert smykker, og andre sånne ting som eg elskar, og så blei ruta lagt innom eit kjøpesenter, der underteikna snopa med seg ein elefant og ein einhjørning. Trur sånn cirka det var det? Eg er ikkje vidare imponert over utvalet i butikkar her i landet!! Med tanke på kor mange goths, freaks og hippiar eg har observert her, så er det ganske absurd at dei ikkje har nokon plass eg kan kjøpe den typen stæsj!?
Vel, eg er tilbake på hotellet no. Vondt i hovudet, sliten i beina og trøytt i trynet. Vonar morgondagen bringer litt meir flax på opplevjingsfronten. I dag har det vore heller stusseleg. Faktisk så, at eg har null og nix av spennande bilete å vise til….!

Entar og duer i Gamlebyen

Categories Globetrott

Soundtrack: Lordi ? Granny’s Gone Crazy

Greetings from Warszawa!! (på flyplassen i går)

Annonsørinnhold
Netthandelen tømmer lageret: Siste sjanse på kvalitetsvarer med opptil 75% rabatt
Netthandelen tømmer lageret: Siste sjanse på kvalitetsvarer med opptil 75% rabatt

Frukosten her på huset blir servert fram til 11. Eg var på plass til klokka 10.00, og delte frukostrommet med eit eldre ektepar frå Storbritannia. På menyen stod blant anna eggerøre, men ikkje bacon. Og frityrsteikte pannekaker. Den var ny? Resultatet blei uansett at magen min blei i overkant for full, og eg måtte kvile…uhm, frukost.

Så avreise mot Gamlebyen blei ikkje ein realitet før klokka 13.00. Satsar på ny frisk i morgon, når eg skal i dyrehagen!

Men tilbake til Gamlebyen. Warszawa blei grunnlagd i det 13. århundre, men det er mange som har vore særs stygge med byen opp igjennom åra. Både Sverige og Preussen (del av noverande Tyskland) var innom og herja på 1600-talet, og Russland tok ein tur innom og laga mayhem på slutten av 1700-talet. Så det er kanskje ikkje rart at byen ikkje har fått halde på så mykje av det verkeleg gamle, når alt kjem til alt. Det er noko anleis enn Split i Krotia, der me kunne vitje ruinar frå romartida.

Warszawa er absolutt ein koseleg by, og på ingen måte like tettpakka som mange andre gamle bydelar eg har vitja opp igjennom åra! Verken av hus eller turistar!
Når sant skal seiast sakna eg likevel søte små marknader som brukar å liggje rundt i sånne bydelar, men greit nok. Eg skal ikkje klage over for få freistingar her i livet!

På ei bru-borg (borg-bru?) møtte eg likevel ein kar som selde handlaga borke-tussar! Dei som ut som dvergar og entar som keik ut av gamle trestammar!! Så eg skal definitivt tilbake dit. Og til brukt/antikk-butikken som låg like ovanfor.
Derimot var det eit mareritt å finne ein plass å pisse der! Og når dei fyrst dukka opp, skulle karane inni luka ha NØYAKTIG 2 zloty for å sleppe folk på do! Jiiz.
Det er òg eit par slott og museum eg vil innom der før eg snur snuten mot Noreg igjen, men i morgon er det dyreparken som står på planen. Så me får sjå.

The Dome of Doom! Eller noko sånt. Eg stussar framleis på kva dette monsteret av ein bygning dei set opp i nabolaget vårt eigentleg er!

Hotellrommet, som eg allereie har greidd å bombe aldri så litegrann. Skal rydde i morgon. Kors på halsen.

Redbull: Check. Ekstra gensar: Check. Veske full i vatnflasker: Check. Røyk i kjeften: Check. Full kontroll? Not so much.

Gamlebyen! <3 (PS! Ikkje gå i mange sånne trapper om du har operert kneet. Dei er hinsides låge, og gjer VONDT!!)

Ballongar! Med FJØR inni!! Det er så awsomt at det nesten gjer vondt!!

Fann eit lite minimuseum bakerst i ein krystallbutikk! Så eg måtte jo inn og helse på megalodonen! Dette var då ein særs ung ein. Ikkje fullvaksen. Så eg var ikkje så veldig redd den.

Nessie budde her òg!

Flytande kjempe-skillingsbolle!! Eller kjempenautilus. Tomeito-tomato.

Borg, jo! Altfor få sånne i denne byen; eg trudde polakkane BUDDE i borger?!

Meg. I borga. Må finne fleire borger. Sånn note-to-self.

Og så fann eg magisk drage-klo-smykke!! Steinen ser kvit ut, men endrar farge i ulike ljos og skuggar! Såh, kjempemagisk der ja!

Gamleby-gate.

Og så var det nutella-is og vanilje-is pause! Om-nom-nom!

Okay, historien bak dette: Det grøne huset rett fram der, hadde fancy mønster. Og eg konkluderte med at det var eit design frå 1400-talet. Sjekka opp i kor tid byen blei grunnlagd, og følte meg som reine kunst-professoren då eg kunne konkludere med at byen faktisk stamma frå denne tidsperioden! Litt wow der altso.

Kjempesoft-is!!!

Og så har dei pepsi max her. I literflasker!! I could freakin’ LIVE here!!

Ein skjold-oter!! Eller ein bjørn. Men det er tøffare med ein oter.

Meir fine hus med fine bilete på! Sånn vil eg male på huset vårt, Glenn!!

Sjååå! Einhjørning på toppen av drikkefontena!! <3

I dag blei det italiensk på meg. Lasange bolonese. For då veit eg jaffal kva eg får!

Stooor plass med ballongselgjarar! <3

Og så blei det ein tur på kjøpesenteret Arkadia for å finne joggesko. Fann meg eit par svarte NB sko til cirka 450 kroner! Yay! Så det hjelp jo på når eg skal gå i timesvis framover. Whoopie!
Så det var dagens referat. Vonar dei neste dagane bringer fleire aust-europeiske dragar, havfruer og einhjørningar, for eg har forstått at slike ting står ganske sterkt her nede! :p

 

 

 

Warszawa ? Hallo hallo!

Categories Globetrott

Soundtrack: Ventilasjonsanlegget

Eg er i Warszawa! Ikkje at eg ser så masse av byen; det er mørkt ute. Digg temperatur er det for så vidt! Mildt og fint. <3
Fancy hotell er det òg! Supermoderne og særs minimalistisk. Eg meinar; det er ikkje ein gong klesskap på rommet! Ikkje minibar heller, så eg fryktar at det blir noko pisslunka RedBull til frukosten i morgon.

Sidan det tok til å bli kveld ved ankomsten, blei det restaurant-middag på hotellet. Det trur eg ikkje skjer fleire gongar. Kelnar-mannen (kjekk ung mann, for å nemne det!) tok imot bestillinga, og returnerte med ein iskald og god cola zero, og….noko lite noko på ein tallerken. I eit aldri så lite angstfylt augneblink, var eg redd det var heile middagen min, men det var visstnok ein sånn liten teaser som dei gjerne serverar på fancy restaurantar.
Det var følgjande: Ei raud, flat greie, krølla saman til ei slags rose, med ein dæsj med noko gult og ein dæsj med noko grønt, ein bitteliten grov bolle med salt, og ein knøttliten slice med ein slags kvitost.

Annonsørinnhold
Hoka på salg: Kupp årets modeller til nedsatt pris
Hoka på salg: Kupp årets modeller til nedsatt pris

Sjølvsagt gløymde eg å ta bilete, og sparka meg hardt i leggen etter at eg hadde teke fyrste biten. For det såg så absolutt finare ut enn det smakte….Suuuur rødbet med grøn majones, guffen kvitost og brød med knase-salt.

Eg gleda meg for så vidt til kyllingen, og hugsa heldigvis å ta bilete denne gongen:

Så kva er dette? Kyllingbryst, potetkuler med ost og kvitlauk, gulrotpurè og kokt kål. Smaken? Tja. Eg greidde ikkje å trykkje i meg alt, kan me berre sei. Kyllingen var kjempegod, og sausen like så, men resten var så som så. Sikkert superfancy og delikatesse-klasse, men heretter oppsøkjer eg nærmaste McDonalds.

Turen hitover gjekk for så vidt kjempegreit. Polen har effektiv bagasjelevering, det skal dei ha! Trur ikkje det tok meir enn max 20 minutt før rullebandet var i gong, og koffertane kom som perler på ei snor. Imponert!

Og me hadde selskap av ei wannabe-indianardame på flyet, samt at han stakkaren som sat ytterst mot midtgongen på mi rekkje, aldri hadde teke fly før. Han måtte få instruksar frå sidemannen om korleis setebeltet fungerte! Og nærmare ein time inn i turen, prikka han meg på skuldera og viste meg ein tekstmelding han hadde skrive: It is my first time flying; would you mind changing seats with me so I can look out the window?

Eg sat og halvsov likevel, så why not? Det er langt ifrå min fyrste gong, så han fekk setet mitt, og eg sette musikken på øyra og fordjupa meg i boka mi igjen.

Så masse meir er det eigentleg ikkje å rapportere om dagen. Sjokoladen er oppeten, og eg trur eg skal unne meg nokre timar med blund på auga litt tidleg, til ein forandring. Berre så eg kjem meg opp til frukosten i morgon tidleg.

Stemningsbilete frå restauranten. Der alle på bilete i bakgrunnen sit og et eit eller anna….

Viva La Latvia!

Categories Globetrott

Stakkars Kriss ligg lettslengd på senga vår og tastar på nettbrettet sitt. Han er varm. Det same er eg, men eg har emigrert opp i vindaugskarmen, i berre boxer og ein litt for stor singlet, og håpar at ingen tek seg ein tur ut i bakgarden medan eg sit her. Det er varmt. Eg drikk pisslunka pepsi light, for pepsi max har dei jammen ikkje her. Tomeito-tomato. Det går uansett mykje for det same. Aircondition var det heller ikkje her på huset, med unntak av den øverste etasjen. Eg reknar med det er ein eigen prisklassen der oppe òg.

Men sutring til sides. Me har det fantastisk. Rommet vårt er smashing, trass i varmen. Det er ljost og fint og romsleg nok til to individ som er vande å bu i sardinboks frå før av. I kjellaren er det spa og basseng, og eg går med seriøse planar om reservere meg eit opphald der i løpet av morgondagen!! Bodypeeling, ryggmassasje og andletsbehandling. Whohoo!!

La oss no oppsummere dagen. Me reiste heimanfrå klokka 04:00 i natt, og flyet vårt kring 06:30 frå Flesland. Eg var trøytt, så eg sov mesteparten av turen, på skuldera til Kriss. Stakkars. Flyseter var viste seg å ikkje vere hans fyrsteval av soveplass! ^^ Cirka to timar i søtt lite propellfly, wroom-wroom, og så var me her då!
Eg hadde lese meg opp på at taxisjåførane kunne vere temmeleg sleipe, men han me enda med virka då som ein hyggeleg kar. Eg spurde kor mykje han skulle ha for å køyre oss til hotellet vårt, me fekk ein pris, og det var det me betalte. Koselege mannen. Kom på 112 kroner i norske peng, og det syns eigentleg ikkje eg var så ille?

Når me kom hit, opna himmelen seg, og det ramla bøttevis av vatn frå himmelen. Litt som heime, eigentleg. Me rusla litt i dei to kjøpesentera som ligg på andre sida av gata her, kjøpte oss masse drikke og litt å bite i, før me gjekk på ein restaurant som dei kalla Čili Pica der eg kjøpte meg ost- og baconpannekaker med fløytesaus, medan Kriss fann seg ein pølse – og skinkepizza som tydelegvis fall i smak då han kunne få den utan kvitlauk! xD
Så gjekk me heim. Og sov. Og sov. Og sov litt til. Vakna i 8-tida om kvelden, og gjekk ut for å kjøpe litt meir å ete på. Det blei sjokolade i ulike variantar, pølsebrød, meir fluider og eg freista å prøve meg på ein lasange, som ein fekk med seg kald frå butikken og med MASSE sjampingjong i. Det er jo eg så glad i….Men den var sånn sett god; betre enn mykje av det ein gjerne får servert på våre “delikatesse-butikkar” heime i Noreg! (NB! NB! Dei har Deli’s her!!)

Så no er me tilbake på rommet for å koooose. Og ikkje minst planleggje resten av opphaldet vårt!!
Kriss saknar Khavi og Angus og Raphaela. Han freistar å drukne sorgen i sjokomjølk og episodar med Simon’s Cat! <3

Nyspadd. Best i test: SJOKOMJØLK! Og Dudleif.

Categories Globetrott

Då ligg eg slengd på senga og føler meg nær sagt utslått. Ein blir vel gjerne sånn etter å ha bli knadd på for 70 lat! xD Syns det var rimeleg, eg! Med tanke på behandlinga eg fekk! Fyrst var eg og Kriss i bassenget og låg i blaut. Litt steambad og litt sauna, og masse chilling på varmebenk og solseng. Så blei Kriss friteken frå pliktene, medan dei tok meg med inn på eit av behandlingsromma. Der vanka det fyrst massevis av kremar og scrubs i trynet, etterfølgd av andletsmassasje og arm/hand-massasje. Så blei eg skrubba med eit slags salt-opplegg av ei søt dame som tiltalte meg som “madamme”, før dei rulla meg inn i plast, og lot meg liggje der som ein annan marinert kylling. Til sist blei eg massert i cirka 45 minutt, og eg skal ærleg innrømme eg sleit med å stå på beina etterpå. Dei ga meg grøn te og nokre mini-cookies (som var skikkeleg yummy!!), før eg betalte og takka fint for meg. Nytt menneske. Gah! Så DIGG!! ^^

Fire og ein halv time på spa. Totally worth it. Men litt andre ting har me gjort òg! Me var på sightseeing i dag òg. Tok bussen til den russiske ambassaden, og leita oss fram til det Medisinske Musèum. Eit gamalt sjukehus som no var fylt med sære figurar frå apemennesket og fram til i dag, i alle slags merkverdige situasjonar som stilte krav til medisinsk kompenanse. Her var det heksedoktorar og tannlegestolar, svartedauen og foster på sprit. Mesteparten var verken på engelsk eller andre språk eg kunne tyde. Men me fekk vel tak i essensen av det me såg på!
Etterpå bussa me heim, fekk i oss litt mat og gjekk på spa.

Litt kjøleg her i kveld. Eg trur at eg kanskje for fyrste gong sidan me kom hit, kan sove -under- dyna. Høyres ut som ein plan. Eg kjem til å sove godt i natt uansett.
Kriss har omsider funne sjokolademjølka “si”. Den hadde dei på TIGER, og me var innom ein tur igjen idag. Fann meg eit sånt kakefat som dei har slutta å selgje på TIGER i Bergen!! Whohoo! Ville helst hatt i lilla då, men dei hadde berre i blått og grønt. Blei blått då. ^^
Kriss rusla ut frå butikken med ikkje mindre enn 5(!!) flasker sjokomjølk!! Han har vel sånn cirka prøvd alle sortane dei har i Riga til no? Den beste så langt må vel vere den katte-mjølk-typen som me fann på RIMI, men den blei meir dessert-aktig og litt for mektig. Men DAMN så god! Og her er dommen:
(sjokolademjølk-dommen)

Annonsørinnhold
Netthandelen tømmer lageret: Siste sjanse på kvalitetsvarer med opptil 75% rabatt
Netthandelen tømmer lageret: Siste sjanse på kvalitetsvarer med opptil 75% rabatt

Me har fått oss ein liten ven her nede. Dudleif heiter han. Han er adoptivbroren til måsen Mikey, som bur borte ved Origo-senteret. Dudleif er ei due. Han bur på altanen nede utanfor hotellresepsjonen. Veldig høfleg kar, som ikkje er så veldig glad i born. Dei trampar nemleg.

Den Store Sløvedagen!

Categories Globetrott

I dag har me vore lite produktive gitt! Men i og med at eg fekk mensen i dag, så slo kroppen min seg fullstendig av, og magen min var så au som den overhovud kunne bli. Dermed stod me opp, åt frukost, og gjekk tilbake til senga. Der blei me rimeleg lengje, og det gjorde seg.

Då me omsider krabba ut av loppekassa, gjekk me ein runde i området, sånn at Kriss fekk sjå nærmare på ein elektrobutikk han lokaliserte då me reiste kring med sightseeing-bussen. Dei hadde leikebutikk der òg, så eg fekk kike på dokker! ^^ Enda med at eg kjøpte meg ein HIM-cd, og så rusla me vidare og såg oss omkring. Me fann òg ein TIGER-butikk rett kring hjørnet for her me bur, så no er Kriss sjølvforsynt med sjokomjølk for ei stund! Eg surra i opptil fleire klesbutikkar, og fann til slutt ein på kjøpesenteret Stockman, der eg hamstra meg ein ny topp, ny shorts, ei knæsj-rosa strømpebukse, nye blååå solbriller, to par sokkar og ei truse! xD Kom på 17, 50 lat, noko eg for min del syns var latterleg billeg samanlikna med kva eg hadde fått for same prisen i Noreg! :O

Me åt pizza igjen, hamstra litt snop og noko drikke, og returnerte til hotellet. Så no skal me slengje oss på senga og glo på American Horror Story sesong 2!
Prøvde meg på litt is idag; folk i Riga er ganske glade i is. Dei har is-vogner på kvart gatehjørne, og isen deira ser veldig god ut! Men den eg kjøpte smaka eigentleg mest som formasj. God, joda. Men litt for syrleg for min gane, samanlikna med norsk is!
Ein annan ting dei er veldig glade i her, er pannekaker. I alle slags variantar og utgåver. Og Cili Pica, som me har kome fram til at må vere det latviske alibiet for vår Peppe’s. Dei har det på kvart einaste handlesenter og i kvar einaste gate. God mat, og rimelege prisar. Mat generelt er veldig billeg her! Klede er mykje det same som heime sånn jamnt over, men finn du dei “rette” butikkane, finn du gjerne MASSE klede og accessories til kring 1 lat! (som vil sei cirka, grovt rekna, 11 kroner og 50 øre etter dagens kurs!)

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

Observerte òg ein veldig sinna mann utanfor hotellet idag! Han snakka høgt og sinna på gebrokkent engelsk i telefonen, og han “refused to accept this hotel and that room! This is hospitality! I don’t know if you know what that means, but that’s what it is: Hospitality!” (eg truuuur kanskje han meinte “hostility”?) Eg fekk ikkje meir med meg av samtalen, men tenkte med meg sjølv at den fyren DER har gått glipp av eit eller anna. Han tok med seg kona si, og forsvann nedover gata med kofferten trillande etter seg, medan han held fram å krangle i telefonen. Rar fyr; hotellet her er jo heilt fantastisk?