Kategori: Ynskjelister

Så var det gått eit heilt ÅR sidan eg sist skreiv på sida mi. Wops! 
Men no er det jol igjen (snaaaaart!!) og for dei som er slik som meg, så går det mot BlackWeek/Black Friday, og det er på høg tid å finne ut kva folk ynskjer seg! Så, here we GO!

Soundtrack: Sidsel Endresen – Du Vet Hvem Jeg Er

Fyrst: Om nokre romvesen kunne kome innom planeten vår og teke med seg Donald Trump tilbake der han høyrer heime, og gjerne hukka med seg han fyren i Russland og kompisen hans i Nord-Korea, så hadde det vore supert. Det står øverst på lista.

Annonsørinnhold

Stor oversikt over de beste kjøpene på januarsalget

Neste stopp: Nokon som kan hjelpe meg å få orden på heimesida mi. Eg skulle såååå gjerne hatt den pussa opp slik at det faktisk frista å skrive innimellom! Men sånn den ser ut no blir eg reint flau av å i det heile invitere folk hit! *gøyme seg*

Det er ei bok eg ynskjer meg i år.
Mr Ballen Presents Strange Dark & Mysterious
Stor fan av den mannen; han er kanskje den beste historieforteljaren eg har kome over nokon gong!! Dei har boka på Outland, Platekompaniet og Norli i alle fall!

Og så treng eg regnklede. Og støvlar. Sistnemnde kan GJERNE kome frå barneavdelinge (eg er str. 36!! Men 37 funkar òg til støvlar!)

Eg meinar; kvifor har dei ikkje slike awsomme støvlar ståande i vaksenavdelingen? Har dei tenkt på at nokre av oss tykkjer svart og grønt er temmeleg kjipt?!

Det må nemnast at eg har funne mitt favoritt-merke innan klede dette året. Eg har vore innom det før, men OMG.
Killstar. Dei har så hinsides mykje fint! Yes please til leggings og strømpebukser derifrå (eller i same stilen) men ALT dei har er som skapt for sånne raringar som meg!! Det ligg mykje frå dei på Outland, sånn ps! 😉
Eg brukar M i toppar, og L til alt under navelen.
Og sjølv om eg VEIT at eg har bra med t-skjorter, men eg er ein sucker for gøye toppar.

Og den fornuftige delen av Lokkri seier at ho treng sokkar (str. 36) og hipster-truser (str. 42/L). Og fine kjøkenhandle og klutar. For det minkar litt på dei skikkelege eg har …
Eg har òg fått dilla på Sakura og Karma-serien til Rituals!! Handkrem har eg, men bortsett frå det har dei så utruleg masse gode produkt som eg diggar!!
Og så ynskjer eg meg Nude-parfymen frå Rihanna!
I tillegg til, som alltid, Freia Boble-sjokolade, sukkerfri RedBull og vin frå 3Monkeys! <3 Men generell nom er alltid velkomen! Marsipan til dømes? Alltid ein hit! ^^
Gåvekort på tattoo og hjå Outland er heller ikkje å forrakte!

Eg fann òg ein lepestift som eg såååå gjerne skulle hatt!! Den lilla glitter-lepestiften frå Dior (Rouge Dior Forever Liquid Sequin, 993 Magical) Har ikkje funne den i Noreg då, så bu-hu. Men eg ynskjer meg den.
Glitter har for så vidt gjort eit lite come-back med gøye goth-inspirerte smykker, og nokre av dei står sjølvsagt på lista mi!

Øyreringar med roser, sølvfarga halskjede med piggar, justerbar ring og hjarte-bling-øyredobbar!

Ellers er det jo dei vanlege syndarane – ting eg samlar på:

Av BluRay/DVD er det EIN ting som eg har kjempe-kjempe-kjempelyst på!!
DEADPOOL & WOLVERINE

Og på CD/vinyl-fronten står følgjande:

Lordi – Lordiveristy
P!nk – Trustfall
Rammstein – Made In Germany 1995-2011
Rammstein – Zeit

Så var det FunkoPOP!’ane mine!

POP!Movies – IT: Pennywise #780
POP!Marvel – Deadpool (#320)
POP!Movies – Freddy Kreuger (#2)
POP!Television – Wednesday (#1309)
POP!Rocks – TLC Chili #194

Og så har eg eit STORT tomrom i Monster High-samlinga mi!!

Clawdeen Wolf, modellnummer N5947 (2010)

Om nokon kjem over denne dokka, i denne versjonen, så har eg så sinnsjukt lyst på ho!! Treng ikkje vere i pakken så lengje ho ser fin ut og har med seg pusen sin!

Det var alt frå meg i denne omgong! Forhåpentlegvis blir det ikkje stille frå denne kanten heilt til neste jol! 😉

Jøsseball. Då var me der igjen! Black Friday ligg og lurer borti horisonten, og eg tenkjer at I ÅR skal eg vere tidleg ute med ynskjelista. Sånn for spesielt interesserte.
Soundtrack: Simon & Garfunkel – Sound of Silence

Så, kva står på lista i år? Eg elskar å skrive ynskjelister. Lister generelt. Så eg hiv meg over tradisjonen, og kan herved presentere kva eg drøymer om at skal liggje under treet i år!

Annonsørinnhold

15 «hemmelige» ferieperler: Disse bør du oppleve i løpet av livet

La oss starte lett:

• Kamille-te (for det er nesten håplaust å finne til ein fornuftig pris lengjer!)

• Sokkar. Ankelsokkar og “vanlege” sokkar. Slunkent i skuffa gitt! Gjerne gøye!

• Dusj-såper som duftar goooodt! <3

• Handklede – beige, brune, lilla….helst ikkje kvite! (eg har mann!!)

• Minnekortlesar til USB-port

• Pengar (for eg sparar til ny pc-skjerm!)

• Parfymen Nude by Rihanna

• Freia Boble-sjokolade, 3Monkeys-kvitvin og RedBull sukkerfri (generelt nom er alltid velkomen!)

• Hårbørste. Ein sånn litt brei og god ein som tek flokane lett som ein plett!

Gåvekort hadde vore kjekt. Frå stader som
– Let’s Buzz eller Ljungberg Tattoo (slik at eg MÅ få teke nokre av alle tattisane eg drøymer om!)
– Plantasjen (for plantene mine er eit sørgjeleg kapittel og eg føler ei trong til å fornye og starte på scratch!)
– H&M (fordi eg har ei ynskjeliste der, og treng ei orsaking til å korte den ned…)

Har eg nemnd at Ville Valo (eller VV som han no kallar seg?) skal ha konsert i Oslo til våren? Eg har veldig lyst på billettar. Heilt sant. Kors på halsen!!

Og eg har lengje ynska meg dørmatter som dette:

….men dei gongane eg finn dei i butikken sjølv, så slår det ikkje feil at eg ikkje har råd til dei der og då. Og så snart pengane er på konto, så er dei utselde. Bummer. Så dei får bli på ynskjelista mi, med eit håp om at EIN DAG er eg så heldig at dei havnar her hjå meg!

World of WarCraft Expansion – The War Within kjem til våren og kan førehandskjøpast! Så gjett kva? Eg ynskjer meg den!
Og Diablo IV er heller ikkje å forrakte?

Eg treng nye strømpebukser og leggings. Det vil sei; eg har i alle regnbogens fargar, men ALLE dei svarte er utslitne, utvaska, fulle i hòl, og så vidare, hei fallera. Så, eg treng svarte. Gjerne litt goth-prega, som desse her (str. L):

Eg snubla over fleire av dei hjå Outland, men gjett kva anna eg fann der?
Denne überkule gensaren her! Og tidenes mest sjarmerande cookie-jar! Så dei må få vere med på lista.

Og så var det FunkoPOP!’ane mine. For tida jaktar eg på tre stykkjer hovudsakeleg; Deadpool (#320) Freddy Kreuger (#2) og Wednesday (#1309).

Desse har dei både hjå Outland og Poki-Heaven (bortsett frå Freddy, kanskje….Han kan vere litt kinkig å spore til tider, but hey! Dreams are…!)

No er jo lista mi over FunkoPOP!’ar eg jaktar på ganske lang, så skulle ein likevel føle for å gå fullstendig over styr og shoppe figurar til meg, så er det fleire hòl i samlinga mi som skulle vore fylt, som til dømes:

POP!Movies – IT: Pennywise #780
POP!Movies – Interview with a Vampire: Claudia  #1417
POP!Disney – Snowwhite #339
POP!Movies – The Exorcist: Regan #203
POP!Movies – Lord of the Rings: Gimli #629
POP!Television – Buffy the Vampire Slayer: Buffy #121

Ikkje er det nøye at dei er nye heller! Eg samlar like gjerne på brukte figurar, anten i eller utan boks!

Eg treng nokre fleire joggebukser òg. Treng overhovud ikkje vere dyre greier; billege og dassete held meir enn lengje nok! Så lengje dei er behagelege, så er eg meir enn nøygd nok. Størrelse L!
I tillegg har eg forelska meg i denne morgonkåpa frå Apotek 1!

Og D&D-stæsj! Det er kanskje til no den dyraste hobbyen eg har rota meg borti, men terningar, figurar, terning-posar, monster-stat cards….Alt som har med Dungeons & Dragons å gjere er sårt tiltrengd!
Ein finn ganske masse i alle slags prisklassar under rollespelsidene til Outland då! Og eg treng det meste!

Eg har heller ikkje heilt gitt opp håpet om ein dag å bli den stolte eigar av ei ravnelampe!
Dei mest kjende er slike lampene er dei frå Seletti, og dei går ikkje for lommerusk dessverre. Men ein dag. EIN DAG!
I mellomtida tenkte eg å anbefale folk å sjekke ut dei fantastiske dyrelampene til KARE, som dei blant anna har her hjå Lampegiganten. Særleg den ekornlampa deira er heilt fantastisk, og så absolutt noko eg skal investere i når eg har ein plass å hengje den!

Sånn sett er ikkje eg så nøye på kven som har designa lampa EG vil ha. Eg vil berre ha ei ravn. På veggen. Med ljos i nebbet. Noko som liknar på den her på bilete.

Og til sist så er det litt musikk på ynskjelista mi som alltid:

CD/vinyl:
Lordi – Lordiveristy
P!nk – Trustfall
Rammstein – Made In Germany 1995-2011

Det var mi liste for 2023! Kva står på DI liste? 😉

Så var det snart jol igjen, og i år har eg inkludert min betre halvdel i ynskjelista! For, ja. Han er ikkje vidare enkel å lure gåveidèar ut av. Men i år har eg køyrd han gjennom eit SKIKKELEG hardt forhøyr i forkant!!

Soundtrack: Inferno Veil – Shaman

I år er det PENGAR som står øverst på lista, både for meg og Dùnedain. Me planlegg bryllaup for harde livet, og økonomiske bidrag blir varmt motteke.
Men litt anna står jo på lista òg, sjølvsagt. Så la meg presentere Årets Ynskjeliste:

Annonsørinnhold

Stor oversikt over de beste kjøpene på januarsalget

Eg ynskjer meg framleis dørmatte, eg! Ponny eller Deadpool. Eller begge delar! Eg har tross alt to ytterdører, så eg kan godt utplassere ei på kvar plass!

No har eg brukt mesteparten av året på å fordjupe meg i tida kring Svartedauden, og av den grunn har eg kome over to bøker som eg har utruleg lyst på!

Den eine er Theodor Kittelsen sin Svartedauen (bombe?) og den andre er teikneserieromanen Solruns Saga av Eirik Ihldal og Bjørn Ousland. Sistnemnde las eg då eg eigentleg var altfor lita, og har hatt lyst å lese serien igjen i håp om at eg denne gongen kanskje forstår kva eg les! Dei hadde begge to hjå Ark
Og så har dei masse-masse gøy hjå Superkul som eg svært gjerne skulle hatt kloa i!! Har eg nemnd at eg elskar dragar….? FORATTESJÅÅÅ så masse nydelege dragar dei har der!!

Den drageblomepotta i nede til venstre står HØGT på lista! Eg TRENG ein sånn i livet mitt!!
Og når me snakkar om blomepotter, så er eg på jakt etter ei høg blomepotte. Gjerne med litt antikk/viktoriansk look. Har nokre hengeblomar som skulle budd i høge potter, sidan eg ikkje kan hengje dei på veggen her hjå meg (det blir for fristande for små kattepoter….)

Og så har eg i år, som alltid, lyst på FunkoPOP!-figurar! Eit lite døme på karakterane eg siklar mest på følgjer:

Og så er det jo sjølvsagt høgt på lista med gåvekort på tattoo & piercing!!

Eg er nesten tom for duftoljer (har berre blomelukt igjen!) så sånne små flasker med duftolje med lukt til dømes av musk, ocean, karibisk sjøbris, seabreeze, frukt…Ting i den rettninga. Og sånne duftpinne-greier som eg alltid ynskjer meg:

Og favorittparfymane mine:

Men eg har byrja å gje opp at eg kjem til å finne slike igjen. Dei er jo UTRYDDA?!

Gøye andletsmasker er heller ikkje å forakte i desse korona-tider:

Desse er henta frå DMP, men det finst mykje gøy for sånne sære og makabre individ som meg der ute! Som denne?

Skal verda gå under, så la oss gjere det med stil!! xD

Kva anna?

• Søte kvitvinar
• Sjokolade og marsipan
• Joletrepynt type retro/gamaldags, gjerne i sølvfargar!
• Gode sminkebørstar i alle størrelsar!
• World of WarCraft: Shadowlands (expansionen altso!)

Og så er det sjølvsagt brettspel:

…og der innser eg at eg har brukt SINNSJUKT med plass til mi eiga ynskjeliste, og derfor finn du ynskjelista til Dùnedain her!

Innimellom baking og pynting, shopping og husvask, så må det skrivast ynskjeliste, i år som alle andre år. Og her er mitt bidrag i år! Illustrert versjon!!

Soundtrack: P!nk – Secrets

Fyrst må eg understreke min store lidenskap for lister, og min enorme glede for at verda ellers har byrja å innsjå kor fantastisk gøy det er! Egoforlag har MASSEVIS av gøye bøker for sånne entusiastar som meg! Det er spesielt tre bøker som står på ynskjelista mi no:
Vi To – ei bok om forhold
Min Bucket-liste – ei bucket-liste mellom to permar (iiiih!!)
Boken om meg – som er ei reinspikka liste-bok som eg verkeleg hadde ELSKA!!
Det har òg blitt observert ein del liste-bøker på Norli, så sånne bøker generelt er dødsgøy!!

Av litt billegare alternativ, så ynskjer eg meg:

Annonsørinnhold

15 «hemmelige» ferieperler: Disse bør du oppleve i løpet av livet

• Ein løpar til spisebordet (ein ikkje-jolete ein!!)
• Hårstæsj (hårstrikkar, spenner, klips….Hovudskallar, einhjørningar, dragar, alveisk….Sånne lokkriske)
• Gøy-teite øyredobbar (i same kategoriane som over her!)
• Laserleike til Boromir (sånn liten penn!)
• Sjokolade og marsipan
• Gode sminkebørstar i alle størrelsar!
• Kvitvin (elskar søte vinar!)
• Duftpinnar (som dei under; gjerne sånne som luktar “ocean” eller “peach” eller noko anna som passar til badet eller til stova!)

• Ballerinafigurar (dei har desse bl.a. på Nille!)

Hugsar folk sånne fugle-klips som besteforeldre (og nokre foreldre, kanskje?) hadde på joletreet? Eg ELSKAR dei!! Dei siste åra har dei kome litt tilbake, det finst sååå mange fine av dei!

Dei har dei blant anna på Kremmerhuset, heilt nede i 9,- stk! Drøyner om å ha eit joletre med MASSE sånne pippar på ein gong….Alle typar, anten dei er av glas eller plast eller fjør og isopor, står på ynskjelista! ^^

Ynskjer meg òg ei litt dekorativ honningkrukke! Treng ikkje vere noko dyre greier, berre den er litt søt og orginal, kanskje noko i rettning desse:

Forelska meg dessutan fullstendig i denne mugga som eg fann på COOP Obs! Den hadde vore sååå fint å ha jole-varmsjokoladen i til jolefrukosten!!

Av litt dyrare ting på lista, så ynskjer eg meg:

• Thunder/plasma-ball (sånn med torden inni!! Dei har dei finaste på Teknikk Magasinet!)
• Printer med scanner og kopifunksjon
• Dalì-parfyme (Dalìflor og Dalìstyle)

….men parfymane til Rhianna er skikkeleg fantastiske dei med!! Dei har små, billege flasker på Normal!!

Og så var det dørmatte. Eg har sinnsjukt lyst på ei av desse dørmattene:

Etter at drikkefontena til pusane tok kvelden i haust, så har me ikkje somla oss til å kjøpe ny. Så det står på ynskjelista! Favoritten min er faktisk den billegaste, i blå eller kvit keramikk, frå Banggood!

Men det var eit par andre fine eg snubla over òg, som denne frå Zoopermarked eller denne frå VetZoo!

Eg har blitt litt hekta på Funko POP! vinyl-figurar, skal eg innrømme. Det skulle ikkje skje, men det er nokre som rett og slett berre MÅ få ein plass i nerdehuset mitt:

• Deadpool (gjerne den som ligg!!)
• Buffy, Angel & Spike frå Buffy the Vampire Slayer
• Alle frå LotR/Hobbiten!!
• Freddy Kreuger

Ellers treng eg pengar. Både fordi me skal gifte oss, og fordi me skal pusse opp kjellaren. Og gåvekort på tattoo er heller ikkje å forakte!
Og sånn heilt til sist, i tilfelle nokon framleis hugsar at det er mogleg å kjøpe CD’ar og LP’ar; her er dei eg har aller mestast lyst på:

• P!nk – Hurts 2B Human
• Lordi – Sexorcism
• Die Antwoord – $O$
• Nick Cave & the Bad Seeds – Ghosteen

Det var det for i år! Var litt ekstra gøy no som eg endeleg fekk bileta og linkane til å funke, så eg tok kanskje litt av. Men om du lurer på kva eg ynskjer meg til jol, så vonar eg du har fått svar no!