Stakkars Kriss ligg lettslengd på senga vår og tastar på nettbrettet sitt. Han er varm. Det same er eg, men eg har emigrert opp i vindaugskarmen, i berre boxer og ein litt for stor singlet, og håpar at ingen tek seg ein tur ut i bakgarden medan eg sit her. Det er varmt. Eg drikk pisslunka pepsi light, for pepsi max har dei jammen ikkje her. Tomeito-tomato. Det går uansett mykje for det same. Aircondition var det heller ikkje her på huset, med unntak av den øverste etasjen. Eg reknar med det er ein eigen prisklassen der oppe òg. 

Men sutring til sides. Me har det fantastisk. Rommet vårt er smashing, trass i varmen. Det er ljost og fint og romsleg nok til to individ som er vande å bu i sardinboks frå før av. I kjellaren er det spa og basseng, og eg går med seriøse planar om reservere meg eit opphald der i løpet av morgondagen!! Bodypeeling, ryggmassasje og andletsbehandling. Whohoo!!

La oss no oppsummere dagen. Me reiste heimanfrå klokka 04:00 i natt, og flyet vårt kring 06:30 frå Flesland. Eg var trøytt, så eg sov mesteparten av turen, på skuldera til Kriss. Stakkars. Flyseter var viste seg å ikkje vere hans fyrsteval av soveplass! ^^ Cirka to timar i søtt lite propellfly, wroom-wroom, og så var me her då!
Eg hadde lese meg opp på at taxisjåførane kunne vere temmeleg sleipe, men han me enda med virka då som ein hyggeleg kar. Eg spurde kor mykje han skulle ha for å køyre oss til hotellet vårt, me fekk ein pris, og det var det me betalte. Koselege mannen. Kom på 112 kroner i norske peng, og det syns eigentleg ikkje eg var så ille?

Når me kom hit, opna himmelen seg, og det ramla bøttevis av vatn frå himmelen. Litt som heime, eigentleg. Me rusla litt i dei to kjøpesentera som ligg på andre sida av gata her, kjøpte oss masse drikke og litt å bite i, før me gjekk på ein restaurant som dei kalla Čili Pica der eg kjøpte meg ost- og baconpannekaker med fløytesaus, medan Kriss fann seg ein pølse – og skinkepizza som tydelegvis fall i smak då han kunne få den utan kvitlauk! xD 
Så gjekk me heim. Og sov. Og sov. Og sov litt til. Vakna i 8-tida om kvelden, og gjekk ut for å kjøpe litt meir å ete på. Det blei sjokolade i ulike variantar, pølsebrød, meir fluider og eg freista å prøve meg på ein lasange, som ein fekk med seg kald frå butikken og med MASSE sjampingjong i. Det er jo eg så glad i….Men den var sånn sett god; betre enn mykje av det ein gjerne får servert på våre “delikatesse-butikkar” heime i Noreg! (NB! NB! Dei har Deli’s her!!)

Så no er me tilbake på rommet for å koooose. Og ikkje minst planleggje resten av opphaldet vårt!! 
Kriss saknar Khavi og Angus og Raphaela. Han freistar å drukne sorgen i sjokomjølk og episodar med Simon’s Cat! <3 

 

 

 

Då ligg eg slengd på senga og føler meg nær sagt utslått. Ein blir vel gjerne sånn etter å ha bli knadd på for 70 lat! xD Syns det var rimeleg, eg! Med tanke på behandlinga eg fekk! Fyrst var eg og Kriss i bassenget og låg i blaut. Litt steambad og litt sauna, og masse chilling på varmebenk og solseng. Så blei Kriss friteken frå pliktene, medan dei tok meg med inn på eit av behandlingsromma. Der vanka det fyrst massevis av kremar og scrubs i trynet, etterfølgd av andletsmassasje og arm/hand-massasje. Så blei eg skrubba med eit slags salt-opplegg av ei søt dame som tiltalte meg som “madamme”, før dei rulla meg inn i plast, og lot meg liggje der som ein annan marinert kylling. Til sist blei eg massert i cirka 45 minutt, og eg skal ærleg innrømme eg sleit med å stå på beina etterpå. Dei ga meg grøn te og nokre mini-cookies (som var skikkeleg yummy!!), før eg betalte og takka fint for meg. Nytt menneske. Gah! Så DIGG!! ^^

Fire og ein halv time på spa. Totally worth it. Men litt andre ting har me gjort òg! Me var på sightseeing i dag òg. Tok bussen til den russiske ambassaden, og leita oss fram til det Medisinske Musèum. Eit gamalt sjukehus som no var fylt med sære figurar frå apemennesket og fram til i dag, i alle slags merkverdige situasjonar som stilte krav til medisinsk kompenanse. Her var det heksedoktorar og tannlegestolar, svartedauen og foster på sprit. Mesteparten var verken på engelsk eller andre språk eg kunne tyde. Men me fekk vel tak i essensen av det me såg på!
Etterpå bussa me heim, fekk i oss litt mat og gjekk på spa.

Litt kjøleg her i kveld. Eg trur at eg kanskje for fyrste gong sidan me kom hit, kan sove -under- dyna. Høyres ut som ein plan. Eg kjem til å sove godt i natt uansett.
Kriss har omsider funne sjokolademjølka “si”. Den hadde dei på TIGER, og me var innom ein tur igjen idag. Fann meg eit sånt kakefat som dei har slutta å selgje på TIGER i Bergen!! Whohoo! Ville helst hatt i lilla då, men dei hadde berre i blått og grønt. Blei blått då. ^^
Kriss rusla ut frå butikken med ikkje mindre enn 5(!!) flasker sjokomjølk!! Han har vel sånn cirka prøvd alle sortane dei har i Riga til no? Den beste så langt må vel vere den katte-mjølk-typen som me fann på RIMI, men den blei meir dessert-aktig og litt for mektig. Men DAMN så god! Og her er dommen:
(sjokolademjølk-dommen)

Me har fått oss ein liten ven her nede. Dudleif heiter han. Han er adoptivbroren til måsen Mikey, som bur borte ved Origo-senteret. Dudleif er ei due. Han bur på altanen nede utanfor hotellresepsjonen. Veldig høfleg kar, som ikkje er så veldig glad i born. Dei trampar nemleg.  

I dag har me vore lite produktive gitt! Men i og med at eg fekk mensen i dag, så slo kroppen min seg fullstendig av, og magen min var så au som den overhovud kunne bli. Dermed stod me opp, åt frukost, og gjekk tilbake til senga. Der blei me rimeleg lengje, og det gjorde seg. 

Då me omsider krabba ut av loppekassa, gjekk me ein runde i området, sånn at Kriss fekk sjå nærmare på ein elektrobutikk han lokaliserte då me reiste kring med sightseeing-bussen. Dei hadde leikebutikk der òg, så eg fekk kike på dokker! ^^ Enda med at eg kjøpte meg ein HIM-cd, og så rusla me vidare og såg oss omkring. Me fann òg ein TIGER-butikk rett kring hjørnet for her me bur, så no er Kriss sjølvforsynt med sjokomjølk for ei stund! Eg surra i opptil fleire klesbutikkar, og fann til slutt ein på kjøpesenteret Stockman, der eg hamstra meg ein ny topp, ny shorts, ei knæsj-rosa strømpebukse, nye blååå solbriller, to par sokkar og ei truse! xD Kom på 17, 50 lat, noko eg for min del syns var latterleg billeg samanlikna med kva eg hadde fått for same prisen i Noreg! :O

Me åt pizza igjen, hamstra litt snop og noko drikke, og returnerte til hotellet. Så no skal me slengje oss på senga og glo på American Horror Story sesong 2! 
Prøvde meg på litt is idag; folk i Riga er ganske glade i is. Dei har is-vogner på kvart gatehjørne, og isen deira ser veldig god ut! Men den eg kjøpte smaka eigentleg mest som formasj. God, joda. Men litt for syrleg for min gane, samanlikna med norsk is!
Ein annan ting dei er veldig glade i her, er pannekaker. I alle slags variantar og utgåver. Og Cili Pica, som me har kome fram til at må vere det latviske alibiet for vår Peppe’s. Dei har det på kvart einaste handlesenter og i kvar einaste gate. God mat, og rimelege prisar. Mat generelt er veldig billeg her! Klede er mykje det same som heime sånn jamnt over, men finn du dei “rette” butikkane, finn du gjerne MASSE klede og accessories til kring 1 lat! (som vil sei cirka, grovt rekna, 11 kroner og 50 øre etter dagens kurs!) 

Observerte òg ein veldig sinna mann utanfor hotellet idag! Han snakka høgt og sinna på gebrokkent engelsk i telefonen, og han “refused to accept this hotel and that room! This is hospitality! I don’t know if you know what that means, but that’s what it is: Hospitality!” (eg truuuur kanskje han meinte “hostility”?) Eg fekk ikkje meir med meg av samtalen, men tenkte med meg sjølv at den fyren DER har gått glipp av eit eller anna. Han tok med seg kona si, og forsvann nedover gata med kofferten trillande etter seg, medan han held fram å krangle i telefonen. Rar fyr; hotellet her er jo heilt fantastisk?
 

Nei, eg kan vel ikkje sei gårsdagen var sånn vidare kjempelat då. Eg og Kriss kjøpte oss 5-dagarsbillett til tog, buss og trikk, og står dermed fritt til å cruise kring i byen. Genialt konsept. ^^ Så i går reiste me til kjøpesenteret SPICE, som visstnok er det største handlesenteret i Baltikum. Eg var ikkje sånn kjempeimponert. Me keik litt, men handla ikkje noko spesielt. Det vil sei, eg kjøpte meg Monster High-dokka Catrine de Mew, billegare enn i Noreg, ein nøkkelring som likna på Khavi med bambiblikk og ein ring-haldar utforma som ein divan. 
Senteret var i to bygg; eit “motehus” og eit til meir huslege artiklar. Eg oppdaga til mi store overrasking at dokka eg hadde kjøpt meg, presterte å utløyse kvar einaste alarm i kvar einaste butikk me gjekk inn. Og då me kom til Elkor-avdelinga der dei selde eletriske produkt og leiketøy, blei eg innhenta av ein streng, eldre vakt som trudde eg hadde naska med meg noko!  
-You buy this?
Eg nikka.
-At the shop on the other side of the parkinglot, sa eg. Han endevende pakken min, og ga meg nokre morske blikk. Eg rota gjennom ein million kvitteringar, og fann til slutt den rette. Han keik på den, så på meg, og så opna han eska til dokka mi og fjerna ein skjult alarm. Og eg kunne puste letta ut. Eg HATAR tanken på å havne i trøbbel i eit land der eg ikkje kan språket!!
Då me var på det medisinske museumet, sat det ei gamal dame i kvar sal og passa på, og ei anna eldre dame sat i kassen. Og dei kunne NADA engelsk! Eit og anna tysk ord på sitt beste. Såh, eg måtte friske opp mine tyskspråkelege kunnskapar, til min store frustrasjon! xD

Men tilbake til SPICE. På andre sida av gata der, var det ein kyrkjegard!! Eg drog med meg stakkars Kriss inn dit, og fòr mellom gravene som ein unge i ein fornøyelsespark. Eg ELSKAR kyrkjegardar og gamle gravplassar! Og eg er heilt facinert over kor vakkert det var der! Folk stelte verkeleg gravene; det var laga til meir som bittesmå hagar kring kvar grav, og heile gravplassen låg meir som inni ein skog! Det var berre så nydeleg og idyllisk, at eg var på nippet til å kjøpe meg ein tomt! xD
Kriss innrømma han tykte det var fint der han med, men hans entusiasme for slike plassar er vel mildt sagt langt ifrå like intens som min! xD

Så bussa me tilbake. Rusla litt i hood’n, og så freista eg å dra med meg Kriss på ein tur i parken etter mørkrets frambrot. Heller lite entusiasme å spore hjå karen då òg; han frykta det var narkisar bak kvart tre! Fælt så skeptisk ein blir til slike plassar når en har røt ifrå Bergens-området?? Haha! Syns det er minimalt med narkisar her, eg! Og gamle damer rusla då fredfult gjennom parkanlegget, trass i at det var natt? Men pyttsann. Eg fekk teke nokre fine bilete, og skal gå amokk med kamera i nokre dagar til før eg gir meg.

I dag har me vore heller sløve. Det vil sei; eg har vore sløv. Eg vakna med så masse au i skalle og mage, at planen vår med å gå i dyrehagen var fullstendig uaktuell. Ikkje orka eg tanken på å gå på Naturhistorisk Museum heller, sjølv om det ligg rett kring hjørnet her. Alt var berre au, og kroppen min ville berre tilbake til senga.
Så me la oss, og sov og sov og sov. Og så vakna me, og la ruta til eit kjøpesenter på andre sida av kanalen, som heitte Olimpia. Dei hadde ikkje så veldig stort utval av ting og tang der, men me var innom Cubus og fekk kjøpt ei ny t-skjorte til Kriss, sidan han nærmar seg punktet der han må gå i nettoen no! xD Eg kjøpte meg eit par nye hipster-truser, ein topp og ein nettingsinglet + eit par nye øyredobbar.
Kriss hadde ikkje akkurat lagt sjela si i å finne ut  korleis det var med bussar heim igjen, så for å sleppe kjeft foreslo han at me skulle gå tilbake. (trur han angra meir på det forslaget enn meg; eg fekk sett meg meir om i gamlebyen, OOOOG tatt nokre fin-fine bilete! ^^) Men det blei ein varm tur, for i dag har det vore skikkeleg lummert her!

Vel, me er tilbake på hotellet, og har shoppa med oss masse snæxx frå Rimi’n her borte. Så no ligg me slengd på senga og momsar i oss alt mogleg rart, og nyt livet i lange drag. Og i morgon SKAL formen min vere fin, for eg vil i dyrehage og helse på dyrenurk!!

Eg har slite ut Kriss idag. Dakar guten har blitt dratt gjennom Riga, på kryss og tvers, fordi eg skulle berre “nett” innom den butikken og den butikken og den butikken. Uffe. Han kræsja til slutt ned på senga og slokna som eit ljos. Hihi!

Vel, dagen idag. Me kravla oss ut av loppekassa klokka 09:00 (eller; EG gjorde!) og hoppa i dusjen. Klar for nye eventyr, berre ete frukost fyrst. Og FOR ein frukost?! Det var brød og frukostblanding og pannekaker og frukt og bacon og egg og te og kaffi og salat og pålegg og….Phew!! Min frukost blei to små loffskiver, ei lita skei eggerøre, ein ring med ananas, tre slicer bacon (HIMMELSK bacon her borte!!) og tre minipannekaker med jordbærsyltetøy. Og ein kopp te + eit glas eplejuice. Kjipt å ha minimage når ein får SLIK mat! Kriss momsa i seg bacon og pannekaker, crossaint, rundstykke og pølser. 
Mette og nøygde heiv me oss over neste etappe. Bestille spa til i morgon, og ordne med sightseeing-billettar. Så var det å finne busshaldeplassen og vroom-vroom kring byen.
Ein titt i speiglen på veg ned med heisen i dag tidleg fekk meg til å innsjå at det såg nesten ut som om det var mamma og pappa Bårlåg som var på hurratur her! xD 
Herreguuud så mykje eg har lyst å sjå nærmare på?! Medisinsk museum og eit slags naturhistorisk museum står på lista mi i morgon. Har sjukt lyst å vitje det erotiske museumet borti her òg, men Kriss vågar ikkje! xD Haha! 
Me stoppa i parken ved Fridomsstatua, eller kva den heiter. Ei dame på toppen av ein stolpe som held tre stjerner opp i lufta, i alle fall. Der åt me litt McDonalds-mat, og Kriss blei ein glad gut. xD Så kika me litt i butikkar og rusla ein tur i parken. Der sat det ei is-selgje-dame og klappa på ei kvit due. I utgongspunktet såg det veldig idyllisk ut, sjølv om Kriss kviskra: -Hon ska’ sikkert drepe den!
Me sette oss på ein benk i nærleiken, og dama med istralla freista å gje dua litt brød og litt vatn.
-No ska’ du sje hon prøvar å drokne den, sa Kriss. Dama la dua frå seg i graset og sat litt på avstand og såg på den. Eg og Kriss skravla no vidare, me. Brått tek dama opp ein pose, og pakkar inn dua, som tydelegvis (forhåpentlegvis?) var daud! 
-Hon drepte den! Hon har drept duen, kom det frå Kriss. Eg syns vel og merke det såg meir ut som om den eldre dama hadde freista å hjelpe ei skadd due, men Kriss var ikkje så lett å overbevise. Den dua var blitt utsett for eit attentat, det var det ingen tvil om!

Me rusla heimover, og leika turistar på høgt nivå. Knipsa skikkeleg turistbilete, keik på rare ting og var veldig norske! xD Så kapitulerte Kriss, medan eg skreiv kort til samtlege, og så gjekk me på shopping. Dagens fangst idag:

• Digg svart hettegensar med bamseøyre <3
• Shotteglas i ølglas-utforming med “Riga” på
• Søøøt bitteliten keramikk-panda!
• Nye raude solbriller i hjarteform, sidan dei gamle eg hadde ramla frå kvarandre </3
• Skriveblokk; essensielt når ein er på ferie, og eg gløymde sjølvsagt å ta med….
• Lilla og svart-rutete/stripe-kjole til cirka 20 kroner
• HALE!!!!! (i svaaart!)
• Postkort
• Hårklemmer. Var rimeleg lei av å få håret ned i augo heile tida!!

Men best av ALT: Eg fann meg PEPSI MAX!!  Kjøpte meg ein sandwich òg, men den var sjølvsagt dynka i majones. Yuck! Må det puttast majones og dressing og sånt noko drit på ALL mat ein kjøper ferdig?! *fnyse* Kjøpte det sånn btw på Rimi! xD Det er faen meg ein Rimi og ein Narvesen på kvart gatehjørne her nede! xD

Då me kom dinglande att frå shoppingrunden, bestemde me oss for å ta middag på hotellet til avveksling. Overhovud ingen dum idè! ^^ Det er seriøst den beste biffen med ovnsbakte poteter eg har smakt på LENGJE! Og så kom den med stekte kantarellar, og eg var skikkeleg flink jente og åt dei utan å mokke! ^^ Whohoo! Godt var det til og med! :oD
Kriss tok pizza han. Han eksperimenterar (risikerar?) ikkje noko med ukjend mat! xD

Mett og nøygd og tilbake på rommet. Fann ein eldgamal og delvis gjenngrodd kyrkjegard på buss-sightseeingen idag som eg har sjuuuukt lyst å utforske før me reiser herifrå! Åååh, gøye byen; har lyst å gjere ALT!!  

Det er jo litt vedmodig òg; siste dagen og greier. No går jo flyet vårt seeeeint i morgonkveld, så me har heile dagen på oss til å surre rundt og sjå oss om litt meir. Me utvida tida vår med nokre timar her, så me slepp å sjekke ut før klokka 15.00 i morgon. Det er jo litt greit. 

Så, idag har me vore i dyrehagen. ENDELEG! :oD Eg var sjølvsagt som ein liten unge, og sprang rundt og dubba alle kreatur eg kom over. Geiter og løver og sebra og kamelar og til og med heilt ordinære ekorn! xD 
Kriss syns det var varmt, og blei til slutt rimeleg hyper der han rusla rundt og kom med gode vitsar. Det blei etterkvart kamelonar kamuflert som dromedarar, men som hadde bomma og heller såg ut som kamelar, og sebra som ikkje var lett å sjå, fordi Kriss ikkje “så bra”. Fyren burde vore standup-komikar! xD
Men jau; det -var- varmt. Men eg hadde jo ikkje tid til å leggje merke til det, for eg skulle jo bli bestis med alle skapnader me møtte! Kom godt overeins med påfuglane! Det kom ei eldre dame som dreiv ein suvinir-kiosk bort til meg og ga meg ein neve popcorn (utan salt!!) som eg fekk mate den fyrste me møtte med. Han blei veldig glad i meg, og kjende meg igjen seinare på runden! xD

No driv Kriss å limer solbrillene han fekk låne av meg. Utanfor vindauga vårt pip det igjen. Det er eit eller anna som står og pip som berre faen halve natta!! Ikkje at det har plaga oss så mykje at me ikkje har fått sove, men nok til at me har irritert oss litt over det når me fyrst tenkjer over det! ;op
Og me har berre ete junkfood idag. Eg må innrømme eg gler meg til å kome heim til grønsaks- og kyllingwok!! <3

Om nokon skulle finne ut at dei vil ta turen til Riga, så vil eg anbefale følgjande:

• Kjøp eit busskort og bruk det til å ta deg kring i by’en. Bur ein midt i by’n er det eigentleg gåavstand til det meste, men ein kan ta trikk, buss og tog så nær som kvar ein vil i by’n og får på den måten sett litt meir. Sightseeing-bussane var ikkje det heilt store, lissom….
• Opera Hotel & Spa er fantastisk!! Det er absolutt eit hotell eg anbefalar på det varmaste. Det ligg så sentralt som ein kan kome (følte jaffal me!) og maten og servicen er berre heilt super!
• Ein kan finne fantastiske og billege butikkar om ein reiser litt nord i by’en. Me var ikkje så mykje der, men eg skulle gjerne ha vore det!

No er Kriss pirkete og innpåsliten, så eg får vie han litt merksemd. 

Så gjekk dette eventyret mot slutten. Og eg pakkar ned denne delen av livet, for å reise heim til mitt gamle. 
Det er vemodig, trass i at eg gler meg til å kome heim til gubbelusken min, alle dei fantastiske venane mine og dyrehagen min <3

I dag har eg shoppa! Eg har gått i nesten to veker på å få kome tilbake til Geelong, for å gå amokk på tøffe butikkar eg hadde spora opp fyrste dagen eg var her! Haha, ikkje verst å ha trava kring i Sydney og Melbourne, og omtrent ikkje brukt ei krone (uhm, dollar) på anna enn naudsynte ting! Og så returnerar eg til ein såkalla småby for å gå fullstendig agurk! xD
Men eg fekk dei tinga eg hadde lyst på, inkludert at eg tok meg råd til TO tøffe t-skjorter i staden for ei! Høhø, vel verdt pengane.

Eg tenkt eg skulle vise fram eit lite utval av dei fantastiske duppedittane eg no skal prøve å få med meg tilbake til Noreg utan å bli nøydd å betale overvekt! ;op Eg har eigentleg ikkje shoppa sååå mykje, i alle fall ikkje samanlikna med turen min til New York då eg måtte kjøpe meg ny koffert for å få med meg alt heimatt!
Eg er maksimalist og eg er materialist. So be it; eg ELSKAR skattane mine!

No er ikkje eg verdas flinkaste til å ta bilete av mine eigne øyre, men det får heller vere at bilete blir litt blørri:

Ein drageøyredobb som er så kul at eg får gåsehud!!! It’s just so me!!! Eg falt pladask for den på marknaden i St. Kilda, og den måtte berre bli med heim! <3 Og så ser den så ufatteleg tøff ut!

Då me hadde vore og titta på operaen i Sydney, sat det ein liten kar i ei hylle i souvinir-sjappa. Og sidan eg ikkje fekk lov å kose med dei i dyrehagen, så måtte han bli med meg heimatt:

Ladies ‘n’ gentlemen; meet Bruce <3 Min bittelille vombat-ven!

Namnet mitt er ikkje akkurat det lettaste for engelsktalande individ, så eg har fått min andel variantar av det til no. Men då me bestilte juice/slush/smoothies på flyplassen i Sydney, fekk eg det engelske namnet mitt svart på kvitt:

Enna. Det er altså mitt australske namn! xD Og det trass i at eg stava det til dama i kassen!

Den fantastiske butikken eg har gått og gleda meg til å shoppe i, var eit av dei aller fyrste stoppa våre i Geelong idag. POPCULTCHA. Geniale, fantastiske, himmelske butikken!!! Der kjøpte eg meg to flotte t-skjorter, og så fekk eg Living Dead Doll i tidleg bursdagspresang av jentene mine! <3

Ho er berre såååå nydeleg! Tusen tusen takk jenter!! <3 You’re the BEST! :oD

Red went to her grandma’s house
On a full moon’s night,
With her basket of medication
To tend to her wolf bite.
Upon her arrival she finds her grandma
With big eyes and big teeth,
Under the covers in grandma’s bed
A wolf lies beneath.
In her basket Red reaches for her axe
Ready to take aim.
T’was then she realized grandma
And the wolf was the same!

Hihi, eg VEIT eg er morbid. Sorry. 
Eg klarte ikkje å stå imot freistinga då Kristin bestemde seg for å gå innom ei neglefixe-sjappe. Ho bestilte seg fransk manikyr, og eg tenkte at eg burde nytte meg av moglegheita. Akryll-negler her nede kosta halvparten av det dei gjer i Noreg, så eg gjekk for å få meg fine, nye negler!

Eg er supernøygd!! Litt uvant å skrive på tastaturet foreløpig, for sjølv om eg er van med å ha relativt lange negler, så er mine ekte negler mjuke som gummi, og dermed bøyer dei seg i alle rettningar! xD
Det var heile tre stk som veksla på å fixe neglene mine, og to av dei understreka opptil fleire gongar at eg MÅTTE vere varsam med så lange negler! 
-Don’t hult youlself!      (jepp, asiatar! ;o)

Siste delen av handleturen min var innom Coles for å kjøpe vegemite til Kjerstin og te til Asso! Eg har leita som ein gal etter dei smykkene og smykke-tinga som Kjerstin etterlyste, og EIN gong køyrde bussen forbi ei sånn sjappe, men det var jo langt unna der me var på veg, så eg fekk aldri moglegheita til å kome meg innom der. Baff.

Det var eit innblikk i denne dagen. No skal eg gå meg ein runde kring huset og høyre på insekta og fuglane, og nyte den varme Down Under-natta ein siste gong. Blakk, nøygd og TUSEN opplevjingar rikare!
Og til sist legg eg til to bilete av tre fantastiske jenter: Kristin, Janne og Janet.

(og ja, dei tullar på det siste bilete. No worries mate!)

 

 

 

 

I går var me ute og verkeleg leika turistar. Klokka 07.36 om morgonen stod me morgonfriske *kremt* og klare utanfor Base, og venta på bussen vår. Ein kvit minibuss stoppa opp attmed oss, og ut kom ein herleg karakter med solbriller og hatt, og presenterte seg som Matt. Ein jævel til å hugse namna på folk, og som greidde å uttale namnet mitt riktig. 
Tida var komen for ein tur ned Great Ocean Road.

Saman med to herremenn frå Italia, to av hokjønn og to av hannkjønn frå Tyskland og ei fransk madamoselle, rulla me ut på vegen. Kamera fekk gå seg godt varme frå alle hald, men til sjuande og sist skal eg prøve å berre vise fram ei handfull av bileta som blei tekne. Ellers er eg redd eg blir sitjande og laste opp resten av kvelden.

Fyrste stopp var ein dopause på Bells Beach.
Fasilitetane var ikkje så ille som fyrst anteke, så me gjorde vårt fornødne, kika litt på surfarane som var som små prikkar der ute i bølgjene, før me hoppa ombord i bussen igjen.
Matt hadde laga eit soundtrack som matcha turen særs bra, så etter å ha fortald oss litt om at Bells Beach var nemnd i filmen Point Break (som i starten av tenåra var ein av mine favorittfilmar, fordi eg var så forelska i Keanu Reeves) guffa han Beach Boys på høgtalarane.

Me kom til The Great Ocean Road Arch, som var eit minnesmerke bygd til ære for falne soldatar under 1. verdskrig, trur eg det var? Ein port til Great Ocean Road, i alle fall. Matt fortalde at han hadde sett turistar setje opp ein tripod midt i vegen for å ta bilete av den, for så å leggje seg ned midt i vegen medan kamera knipsa. 
Dei må vel ha vore svenske?!

Eg har, heilt sidan eg kom hit, vore vannvittig facinert av husa her nede!! Det er vel og merke nesten ingen hus med meir enn ein etasje, alle husa har garasjen innebygd i sjølve huset, og ingen har kjellar! Men for nokre hagar mange har! Og for nokre utsmykkingar!!
Dette er eit døme på eit ekte meg-hus, som eg gjerne skulle hatt bygd når eg returnerte til det kalde nord:

Trafikken i Australia flyt nesten like bra som den gjer når tyskarane frå rule fritt på vestlandet heime i Noreg. Men grunna uvêr og andre uheldigheitar, var det vegrydding som var hovudproblemet her nede. Det blei noko lang kø etterkvart, og Matt klatra opp på autovernet for å prøve å finne dekning så han kunne ringje til ein kollega lengjer framme i køen og høyre kor lengje vegen skulle vere stengd.

Der stod han då framleis, då køen byrja å løysne, og alle me andre var komne innatt i bussen. Han snudde seg forvirra og lurde på kvar alle var blitt av, og frå der av løysna stemninga veldig i forsamlinga. Matt var ein utruleg herleg person; småmorosam og utruleg hyggeleg.

Me stoppa i ein liten småby ved stranda for å drikke kaffi/te og ete kjeks. 
Kristin hevda ho dreiv med australisk ekstremsport, sidan ho ikkje hadde smurd seg med solkrem, men jakka kom fort på då Matt slengde i ho at ho var “a little white girl” som måtte vere varsam i sola.

Me hoppa inn i bussen igjen, og turen held fram. Det fyrste høgdepunktet (for min del) stod for tur; me skulle helse på papegøyar og koalaer! 
Men koalagjengen var heller lite interessert i å kommunisere med desse teite turistane som kom sigande. Nokre av dei keik dovent ned på oss frå tretoppane sine, og vende tilbake til draumeland.
Derimot var papegøyane meir enn berre litt interesserte! Matt hadde med fuglefrø, og papegøyane sverma kring oss som ei fargerik tåke! Eg følte sjølvsagt ei trong til å forbarme meg over den minste og mest pjuskete av dei alle, sidan dei andre ikkje ville la han ete. Dakar vesle pippen! Eg følte for å pakke han ned i veska mi og smugle han med heimatt, men eg greidde å motstå freistinga. 
Det var derimot ein annan papegøye som gjerne ville vere med meg heim, og ikkje ville lette frå armen min då eg var på veg inn i bussen! xD Herlege små sjarmørar. Høyrer du, gubbelusk? Me MÅ få oss papegøye!! :oD

Så var det tilbake i bussen, og Matt annonserte at no skulle me på tur i regnskogen!
Turen langs Great Ocean Road var heilt fantastisk! Naturen var noko ganske anna enn dei svingete vegane på vestlandet; enorme bølgjer slo mot steile klipper, og endelause sandstrender strekte seg så langt auga kunne sjå.

Så var me ved regnskogen Otways. Ein tur på cirka 40 minutt mellom enorme tre og fantastiske svære bregner. Eg og Janne diskuterte korleis det var som å ha site i ei tidsmaskin og blir blåst tilbake i tid til då dinosaurane trampa kring på landjorda. Det var akkurat som å ha snubla inn i Jurassic Park for min del. Det var lite dyreliv å spore, men oppe i tretoppane kvitra fuglane, og me poserte i hòle tre langs med stien.

Det var sjølvsagt ein luring som kom forbi då me posèrte i treet, og ropa: -Watch out for the spider on your shoulder!
Derav dei forskremde uttrykket mitt, der eg prøver å stikke av! xD

Neste stopp var det som dei reklamerte tyngst for, og som visstnok er ein enorm turistattraksjon. Forståeleg. The Twelve Apostles. Det var breathtaking syns no eg jaffal!

Brått står det ein haug med turistar og tek bilete ned i ei grøft! Nyfikne som me er, trava eg og Kristin bort til folkemengda, og fekk auga på eit lite piggete vesen nedi graset!

Ein echidna! Han var ikkje vidare interessert i oss, men tufla litt kring og viste seg fram, før han tusla tilbake inn i det høge graset.

Så køyrde me vidare til Loch Ard Gorge, der skip hadde ein tendens til å forlise i tidlegare tider. Fantastiske fjellformasjonar og grotter, og ei nydeleg strand der eg og Janne gjorde nokre forsøk på å ta tøffe strand-hoppe-bilete, sidan me ikkje gjorde det då me var på Bondi Beach.

Det ser ikkje ut som eg har bein! xD Janne var med andre ord litt heldigare med sitt bilete! ;op

Siste stopp på turen var London Brigde, men då me stod på parkeringsplassen, oppdaga guiden vår nokre urovekkjande skyer i horisonten:

Kunne det vere ein vaskeekte australisk bushfire? Vårt neste mål låg i same rettning som røyken, så me stålsette oss og sette nasa mot flammane.
Og jammen santen. Ikkje lengje etter stod me midt i ei røyksky så tett at du kunne knapt sjå hand framfor deg. Matt konkluderte fort med at dette var ein såkalla “controlled fire”, der dei brenn av underskogen for å hindre at store brannar får bryte ut!

-We’re gonna smell like a barbeque, utbraut Kristin.
-Only if you run into the flames, svara Matt. -Let me know if you’re planning to do that!

Og så var me på London Brigde.

Og dermed var turen over, og eg og Janne returnerte til Base, medan Kristin fekk skyss til døra her ved Deakin! 
Planen for meg og Janne var eigentleg å ta oss ein runde i baren på hostellet, men i staden fann me to sovande individ på rommet vårt, så me bestemde oss for å droppe det. Heldigvis fann me ein liten marknad på St. Kilda, der me fekk shoppe litt diverse “hippie-effektar” og sett nokre ungdomar vise fram pyro-effektar. Og me var vitne til nokre artige selgjarar som sat og røykte ein joint av enorme proposisjonar! :O Haha, kva ein får oppleve når ein er på sånne turar? xD

 

Hehe, det høyres jo rett og slett ut som eg har hatt det fælt i Sydney og Melbourne, men det stemmer då overhovud ikkje. Eg har hatt det fantastisk, men eg merkar at storbylivet og det å dele rom og bad med masse ukjende folk, verkeleg tek på i lengda!
I Sydney hadde me null aircondition, eit stort fellesbad og eit lite bad med dass og dusj, som me delte med resten av huset. Det var konstant tusen bilar som susa forbi utanfor vindauga, som me ikkje kunne late att i fare for å døy i varmen. Og på Base var det konstant fest og leven i etasjen under oss, sidan me sov over discoteket. Ikkje det; eg kan sove gjennom ein kloggedans-konkurranse for overvektige elefantar utan problem, men likevel blir du sliten i toppen av slikt,

Men no er eg altså i stille og idylliske Geelong igjen, og her kan ein sovne til sirisissar og grashopper. Det er litt av det eg var mest gira på å oppleve her i Australia; nattelydane! xD Så klart, det knirka og surra i graset dei andre stadene me var òg, men det var ikkje heilt det same.

No som eg har internett tilgjengeleg på meir fulltidsmessig basis, og ro og fred kring meg, tek eg sikte på å få lagt ut dei blogginnlegga eg har skrive på data’n men ikkje få posta. Det er vel på høg tid, vil eg tru.

 

Så har eg greidd å bli forkjøla. Det er kanskje ikkje så rart, sånn eg travar ut og inn av bussar og butikkar med aircondition. Kokepunkt ute, frysepunkt inne. Det er vel slikt som får fram hoste og hals-au. 
No har me i alle fall kome  oss til Melbourne, og bur på eit hostel som heiter Base. Endeleg eige baaaad! Sleppe å dele dass og dusj med førti andre mennesker!!
Me delar rom med ei jente frå Brazil (Viviann?) som landa i Australia no i ettermiddag, etter å ha vore på reisefot i ei eve. Stakkars jente hadde berre fått sove 2 timar då me kom brasande inn dørane!

Trass i at me bur i utkanten av Melbourne, er det så utruleg mykje meir liv her i området enn nokon av plassane me vitja i Sydney! Her er det folk i gatene etter at det blir mørkt; det såg me heller lite til då me var i storbyen!
Det er nesten så eg angrar litt på at me ikkje reiste direkte hit; her fekk me jaggu meg gratis middag fordi kjøkenet hadde fått hard medfart då det regna så kraftig for ei tid tilbake sidan! xD Det var ikkje snakk om noko i gourmètklassen, men ris og gryterett med nokre ENORME kjøtbitar i. Sterkt krydra, men så absolutt eit velkoment måltid når ein har kava på mellom fly og bussar og metro og trikk heile dagen!

Fordelen her er jo at me faktisk har internett på romma! Det førre hostellet me held til på, hadde ikkje oppegåande nettverk! Her kan ein kjøpe seg 24 timar med nettilgong for cirka 30 kroner! Hurra! ;oD Gjett tre gongar kven som var online før ho rakk å tenkje seg om to gongar?! Google, FaceBook, blogg.no, Dagbladet, LJ….Whohoo, I feel alive again!

Eg skal prøve å få posta nokre få innlegg til, som eg har lagra på pc’en før eg tek kvelden for alvor. Klokka har passert elleve, og me blir henta med ein sightseeingbuss klokka halv åtte i morgon tidleg. *gjeeeesp*

Eg fekk i det minste ein kjapp visitt innom den flotte kyrkja dei har i Sydney før me reiste! Og sidan data’n min brått nektar å laste opp bileta mine, så får det vere til i morgon. No er det sengetid og Spartacus! ZOMG eg er HEKTA! *sikle*