Eg hadde planar om å ta ein liten sumarferie i år. Ein bitteliten. Men at eg skulle bli tvangspålagd med nesten ein månad som sjølvstendig næringsdrivande, var meir enn eg hadde rekna med!

Soundtrack: Nick Cave & The Bad Seeds – O’ Malley’s Bar

Utepils i solnedgong. Det er slik Bergen og Bryggen er på sitt beste.
Så når vêret fyrst tillèt det, så heiv eg meg rundt og joina Nett’n på ein bytur. Det var kanskje ikkje det luraste eg har gjort, sjølv om eg kosa meg like mykje som eg alltid gjer i hennar selskap! <3 Men eg passerte tydelegvis altfor tett opptil eit individ som hosta litt i mi rettning.
Dermed kom turen til meg, og koronaen skal følgjast opp i ryddige former.

Dag 1: Tysdag
Eg hadde så mange jern i elden denne dagen at eg allreie då eg slo opp augo funderte på om eg kom til å rekkje over alt.
Fyrst på planen var nye negler hjå Elisabeth, som har privatsalong på Askøy.
Eg følte meg heilt strålande fin då me reiste heimanfrå, og det var ikkje før på vegen heimatt at eg tok til å føle meg litt…hm, “under the weather”. Hovudet verkte og eg hadde ei merkeleg susing gåande oppi toppen. Om det er normalt veit eg ikkje, men eg får det gjerne i samband med feber. Eg var litt svimmel, men feber føltes det ikkje som.
Så eg poppa eit par smertestillande og var klar til å feire bursdagen til bror min og nevøen min.
Off we go.
Men det blei ikkje akkurat betre så veldig lengje. Etter eit par timar kom hovudverken igjen og eg byrja å føle meg noko slapp.
Sjølv tenkte eg det var trykkjande vêr (torden i lufta-type) og dårleg med vatninntak frå mi si side som låg bak, men eg insisterte likevel på at me skulle hoppe i bilen og reise heim.
Og det i grevens tid! Innan me kom heim var innsida av meg fullstendig på tulletur. Eg fraus. Eg svimla. Eg klara ikkje å sitje oppreist i bilen.
Og så snart bilen rulla inn på tunet, vingla eg meg inn i senga, stupte ned under dyna og låg innpakka medan eg hutra og fraus.
Feberen lot ikkje vente på seg. Sjølv om Dùnedain påsto at det var fordi han ikkje var vidare søvnig at han vimsa oppe halve natta, så mistenkjer eg at det var min feil. Ikkje berre var han uroleg fordi han trudde eg hadde nærmare 39 i feber, men eg kan neppe ha vore  noko særleg å liggje ved sidan av så HOT som eg skulle klare å bli! 😛
Men måle feber var heilt utelukka. Kall meg prippen, men eg skal jaggu vere dauden nær før NOKO får bli køyrd opp bakvegen her i garden!!
Kort fortalt blei natta lang. Eg sov i 5 til 10 minutt, og var sikker på at det hadde gått fleire timar. Så eg sovna igjen, sov i 10-15 minutt før eg vakna igjen og tenkte at NO måtte det vere morgon. Eh, nei.
Slik held eg fram til klokka var 11 neste morgon. Då var tydelegvis feberen gått over, for eg følte meg eigentleg relativt ok? Men vent! There’s more to come…!

Dag 2: Onsdag
Dùnedain var reist til legen (nei, han hadde berre betennelse i ein fing!) då eg rulla ut av senga dagen etter. Han returnerte med test, og der var det to tydelege strekar. Anten var eg på tjukken eller så var det korona. La oss sei det heldigvis var nummer 2. Det går i det minste over!
Feberen var vekk, og i starten berre klødde eg litt i halsen og var litt slapp.
Men så kom nerve-rosene! Jepp, det ordet har eg no teke patent på. Nerve-roser.
Det er nesten som om eg har flekkar rett under huda der nervene har samla seg i små klynger så næææær overflata som dei kan kome, og desse områda blir supersensitive og til tider skyt det ilande smerter gjennom dei. Derav namnet; klynger eller bukettar med ilande nerveklynger. Whoopie! Ikkje veit eg om dette er ei normal greie når ein fyrst pådrar seg Da Rona, men eg er så heldig at eg kan kombinere det med eit knekt halebein! Og gjett TRE gongar kvar ein av desse vonde felta på skrotten min har plassert seg?
Riktig. Akkurat oppå der halebein-ao’en er.
Det minnar litt om den typen smerte eg hadde då eg hadde helveteseld, berre langt ifrå like vondt. Ville ikkje det berre vore heilt supert, om eg klarte å køyre på med ein omgong til med helveteseld når eg fyrst slit med alt dette andre?! Eg kunne jo ikkje time det betre så tett opptil bryllaupet!!

Dag 3: Torsdag
Så var me komne til dagen i dag då. Det er vondt å sitje grunna halebeinet. Det er vondt å liggje på sida grunna ryggen (som berre bestemde seg for å bli skikkeleg vond utover dagen!) og eg kan ikkje liggje på magen fordi då protesterar nakken. Står eg oppreist blir eg svimmel og då var det eigentleg ikkje så mange andre alternativ enn å hengje etter armane i ei ljosekrune eller noko slikt.
Dessutan er sofaen vår eit mareritt å sitje/liggje i når ein har vondt ulike stader, så det blir kontorstolen eller senga.
Ellers hostar eg litt. Bittelitt snufsen og klør/kitlar i halsen. Men det er all ao’en som er plagsom for min del! Eg klarar lissom ikkje å bli komfortabel uansett kva eg gjer!
Så eg poppa nokre smertestillande og sov meg gjennom mesteparten av dagen. Føler meg eigentleg ganske ok no på kvelden, så det går rette vegen! Men OMG det er VAAAAARMT!! Skikkeleg digg å liggje i senga og vri seg som ei våt vaskefille då ja!

Oppdatering følgjer så sant underteikna er i stand til å stable seg opp i sitjande stilling igjen i morgon!
 

Då eg oppdaga at det er mammut-sal hjå Norli snart, melde trongen til å skrive ei aldri så lita liste seg igjen. For ein fantastisk kombo: Ting eg ynskjer meg og lister? Fantastisk. Eg elskar jo begge delar! 
Bursdagen min er jo berre ein månad og ti dagar unna pr. skrivande stund, så då har eg i det minste ei god orsak til å rable i veg! ^^

Fyrst er det ein del praktiske ting, så klart, som denne dama ikkje klarar å prioritere å setje av pengar til. Eg slit litt der, ja. Blant anna treng eg: 

•  Regnjakke (den eg har blir det påstått at er ei såkalla “allvèrsjakke”, men så våt som den blir når det regnar, så er ikkje regn ein type vêr, vil eg tru…)
• Gummistøvlar – noko som nærmast er påkrevd når ein ha vald å busetje seg i Bergens-traktene. Men dei eg hadde blei oppetne. Sånn er livet i Askøy Zoo – og Mentalsjukehus. Om nokon skulle snuble over desse fantastiske nagleskoa (som faktisk blei kjøpt på SparKjøp!!) så gje meg ein lyd!! Eg ELSKA dei, og VIL VIL VIL ha nye!!
• Steikepanne. Den syng på siste verset, den eg har.
• Ei allright vedkorg. Eg er sååå lei av å ha IKEA-posar med ved ståande i stova!!
• Sånn kjøtdeighakke. Syns dei sel dei i alle matbutikkar, men eg prioriterar aldri å faktisk skaffe meg ein slik! 

Fancy krydderhylle. Den treng ikkje vere så stor, og det kan gjerne vere noko lite noko som er raska med frå eit loppemarknad! Eg malar den gjerne sjølv! Eg er ein sucker for litt shabby-chic-inspirerte greier, så den kan vere så shabby som berre det! xD Ser for meg at eg kunne gjort magiske ting om eg hadde tilgong til noko sånt:

Annonsørinnhold

20 bestselgere som garanterer nytelse

• Yogamatte. Eg har store planar for 2014. Dei skal realiserast. Snart.

Og så er det ein og anna meir “luxus”-ting eg ynskjer meg, som ikkje er fult så essensielt som overnemnde. Sjølvsagt, klede til Pixie er ganske viktig, og ho skulle jo gjerne hatt seg ein skikkeleg varm, god boblejakketing, og ei regnjakke. Men generelt klede til veslevoffen er utruleg koseleg! ^^ Ho har to tre strikkegensarar og ei fleecejakke til no, men ho får strengt tatt ikkje nok klede så lett. Frostige vesle hundejenta mi! ^^ 
Eg slit jo veldig med at eg ikkje likar “mainstream” på dei fleste områder, så det gjeld sjølvsagt vesle beibisen min òg. Kva med regnjakker i denne stilen?

….eller ei tøff boblejakke som kunne ha matcha mi? 

Sånn PS så er ho ein størrelse XS/S. Ho er slank nok til å kome i det meste, i motsetjing til mor si, men ho er litt lang både her og der! xD 

• Staffeli – Sånt som står på golvet, eller på bord. Samma det; eg vil male med rett rygg!!
• The Sims 3 – Årstider. Med forebehold om eg faktisk klarar å få The Sims til å virke igjen!
• Webkamera – Det gamle har tatt ferie, så eg er kameralaus på den fronten.

Monster High-dokker. Mest av alt ynskjer eg meg Howleen Wolf, Scara Screams og Clawdeen Wolf. Men alle er ynskjelege!

• Lotusljosestakar – Eg fekk to NYDELEGE sølv/kvite til jul, men eg vil gjerne ha fleire! ^^ Om nokon snublar over nokre i raud/brunlege eller blå/lilla fargar, så står det HØGT på ynskjelista!
• Noko fint å hengje i stoveglaset. Eg elskar sånne fine små lykter i farga glas, og eg på utkik etter to ljosestakar eller pyntehjarter eller glasstjerner (heilårs) som hadde gjort seg der. 
• Kontroll til PlayStation 3 – Sånn at eg kan knuse Kriss i 2-player Mortal Combat! ^^
• Produkt frå Soap & Glory – Eg elskar produkta deira!! Gah! Men eg har sinnsjukt lyst på dei to på bileta under her: (men alt dei har av produkt er velkomen!!)

  
  

   

• 

   
  ………og til sist: PENGAR!! Eg må jo kunne finansiere alt eg ynskjer meg! xD  
  Eg vil kjøpe meg ny sofa, når dyra berre har lært folkeskikk, og eg har utruleg lyst å reise på ein skikkeleg ferie, sidan Hawaii-turen tydelegvis har gått i vasken. *sukk*  

  DVD’ar/BluRay og CD’ar/LP’ar (jepp, eg har faktisk skaffa meg heile TO LP’ar det siste året!) blir òg verdsett! Lista har blitt litt kortare, men nokre av dei som glimrar med sitt fråvèr i hyllene mine er:

  DVD’ar/BluRay: 

• StarWars-samlinga
• Freddy vs Jason
• TruBlood, sesong 5

  CD’ar/LP’ar:

• HIM – Tears on Tape
• Nick Cave & The Bad Seeds – Murder Ballads
• Die Antword – $O$
• Die Antword – Ten$ion

  Bøker: 

• I Am Legend av Richard Matheson
• The Hitchhiker’s Guide to the Galaxy av Neil Gaiman
• Alle Harry Potter-bøkene, gjerne på engelsk!

  Og er du i kategorien “gåvekort er geniale”, så er eg veldig einig med deg. Eg treng blant anna å fornye klesskapet, så det er berre kjekt! ^^ Og nokre av mine absolutt favorittplassar å gå amokk på, er: 

• Outland
• Indiska
• Dragens Hule
• Kremmerhuset
• Åhlèns
• Platekompaniet
  ….sjølv om mykje av dette overhovud ikkje er plassar å shoppe klede, då. Men eg skulle då alltids klare å bruke dei fordi om?

  Ellers så er jo blomar, kvitvin og sjokolade (det er Freia Sjokoladeegg-sesong no! Hint-hint!!) alltid fantastisk å få! ^^

  MEN! Hovudgrunnen til at eg byrja på denne lista var jo mammut-sal hjå Norli! Og DER var det mykje snadder, så her følgjer ei liste over gøye bøker som eg gjerne puttar i bokhylla mi:

  • Unni Lindell: Djevelkysset

  • Unni Lindell: Honningfellen

  • Ingrid Kristine Hasund: Slang

  • Frode Øverli & Atle Nielsen: Elvis likte ikke fisk

  • Jenny K. Blake: The Norway Way

  • Trond Bjorli: Norge i Farger

  • Ronald Grambo: Svart katt over veien

  • Markus Hattstein: Forsvunne sivilisasjoner

  • Ørnulf Hodne: Kjærlighetsmagi

  • Div. Forfattarar: Egypt

  • Jude Fisher: Hobbiten (bok om filmen)

  • Brian Sibley: Hobbiten: En uventet reise ? Den offisielle filmguiden

  • Kristen Halvorsen: Hva skal jeg hete ? (nei, eg er IKKJE gravid! Eg berre elskar namnebøker! ^^)

  • Laura Berman: Snakk om Sex

  • Karina Demuth: Ny i Hagen

  • Lars Aarønæs m. fl.: Puss Opp

  • Eliq Maranik: Den Store Cocktailboken

  • Jørgen O. Grann: Digg på Fredag

  • Gianna Sobol m. fl. : TrueBlood kokebok

  • Cecilia Brækhus: Selvforsvar for Jenter

  • Roger Tabor: Hundens Verden

  • Caitlin Moran: Kunsten å være Kvinne

  • Kim Hjardar & Vegard Vike: Vikinger i Krig

  • Thomas Leikvoll: Utdrikkningslag

    ….og med det set eg punktum. Fram til jula atter står for dør!  

   

Den største bakdelen med å ha kome til eit punkt der eg faktisk likar sol og sumar, og freiste å kombinere det med å vere datanerd, er at det er komplett umogleg å sitje ute med ein dataskjerm av mitt kaliber på fanget. Eg ser ikkje ein døyt. Og det trass i at eg har søkt tilflukt i skuggen. 
Eg sit her, dekka i hundehår, sippar pepsi max og løyser kryssord i staden. Sumarjobb som hunde – og kattepassar er midt i blinken for meg. Kira, familien sin petit basset griffon vendèen, har fått ein omgong frisørbehandling, og både Lille My og Fenris, dei to bortskjemde pusekattane i husstanden, latar seg i sumarsola. Og eg merkar at livet ikkje er så verst. 

Men alt i alt er BaleBy ein stusseleg plass for einsame individ. Det skjer fint lite her, og tida står stort sett stille. Late dagar kan fort bli i overkant late, og eg saknar det å kunne stikke til by’n ein svipp. Og eg har berre opphelde meg her i få timar! Heldigvis lurer ein tur med verdas herlegaste gutebass til Latvia og Riga i det fjerne. Det er snakk om sju dagar. Eg får bite tenna saman og sjå framover! ^^

….og så døyr batteriet mitt. Så då blir det ikkje så mykje anna til val enn å emigrere innandørs, og vente på betre tider. 

Dæng. Så har det ikkje blitt heilt som planlagd med blogginga mi sidan….uhm, forever. 

Eksamen, skulearbeid, student-TV, mannfolk, pusekattar og ikkje minst nokre påkrevde WoW-breaks har vore ganske så essensielle siste tida. Men sumarferien er her, og eg vurderar å leggje om livsstilen. Igjen. 
Nei, eg skal ikkje koste støvet av joggeskoa og kutte ned alkoholinntaket. Heller ikkje leggje om kosthaldet. Ikkje så masse i alle fall. Litt mindre grillmat hadde sikkert gjort seg, men så lengje kursen er nokon lunde stø og hovudinnhaldet er kyllingfilèt og salat, så er det knapt nokon som kan klage.
Men det å faktisk P-L-A-N-L-E-G-G-J-E dagane sine, hadde heilt sikkert vore ein god start. Sånn som å stå opp til ei cirka fast tid, ete faste måltid og tenkje i følgjande baner: “Eg kunne jo sett meg ned og skrive litt….? Sånn etter at eg har teke oppvaska og skifta i kattekassa?”
Det er planen for sumaren å innføre. (og har me høyrd DEN før lzm?)

Men kors på halsen; eg saknar å blogge. Eg saknar å skrive, og eg saknar å sosialisere meg både online og IRL. Eg har ikkje vore den flinkaste der siste månadane. Og det innrømmar eg. I guess it’s called luuuuv <3
Så, ein kjapp øppdeit er kanskje på sin plass:

Annonsørinnhold

Freshe sneakers: Dette er skoene som gjelder nå

**1**

Eg var singel. Så var eg det brått ikkje likevel, men i staden nyforelska og rimeleg happy. 10 års ekteskap var lagt bak meg, og i april flytta min beste ven og nye kjæraste inn her hjå meg. KissKiss, som er det særs klissete namnet eg har…uhm, klistra på han. Han kallar meg Alven. Kosealven. Og me er skikkeleg teite, begge elskar Monty Python og kattar (eg elskar jo alle dyr, så sånn sett er det greit for meg!), og me kranglar om dei teitaste tinga i verda. Som kven som har laga ripe i steikepanna, og kvifor det ikkje er ein genial ting å vaske hendene i oppvaskkummen når den er full i oppvask. Og gjett kva? Eg elskar det. Eg føler meg 19 år igjen. Ære-være-K’Man. <3

Og så er me supernerdar begge to; han elskar tekniske duppedittar og ting han kan skru på, er eit matematisk fantom og kan merkelege ting som eg ikkje ein gong anar kva er for noko. Som til dømes Java. Som eg BURDE vite kva er for noko, men som eg etter å ha studert det eit halvt år, innsåg at var klingonsk for meg. Og eg elskar dataspel, fantasy, dragar, dokker, datamaskina mi og denslags ting som er viktige i livet. 

**2**

Eg er blitt mamma igjen! Til verdas nydelegaste vesle gut, som har fått det velklingande namnet St. Angus McLennard I. Eit namn som verkeleg står i stil med Khavi-Malawi Maluski og Raphaela Salvadòra von der Bustenskjold III, som er blitt stolte storesystre. Puseguten vår blei henta frå Hardanger i mai, og har altfor mange tær og enorme fotar i forhold til resten av den vesle kroppen, men han er så fantastisk at det går ikkje an å ikkje elske han frå fyrste stund. Me måtte vel og merke omplassere Marky då eg og x-lusken gjekk frå kvarandre, og eg saknar det å ha hund så masse at det verk i kroppen, men eg må nok sjå i øyrena at K-Man har rett når han seier at hund krev litt meir tid enn kva me har til rådigheit framover…..

**3**

For fyrste gong i livet kan eg sjå meg i speiglen og tenkje “WOW”! Eg har framleis meir på kroppen enn det rosabloggarane har sett som standard, og p-plasteret mitt gir meg så masse kviser at eg ser ut som ein pizza i trynet. Og etter at eg fekk pusebeibi i huset, har leggane mine utvikla seg til noko som minnar om ein kryssning mellom ein entusiastisk sjølvskadar sitt meisterverk og eit halvhjarta Picasso-måleri, men eg gir bæng. Denne veka bada eg faktisk topplaus utan å ofre tilskodarane ein tanke, og gå tilbake eit halvt år så ville det vore sånn cirka det siste eg hadde gjort her i livet. Eg hadde for så vidt sannsynlegvis frose ihjel i prosessen i tillegg. Men eg føler meg BRA! 

….i det store og det heile er eg ganske så lukkeleg. Og det føles fantastisk. Nokre ting endrar seg neppe; eg er framleis pepsi max-addict, spelar altfor mykje dataspel, har endå ikkje funne ut kva eg eigentleg vil bli her i livet, og døgnet har framleis for få timar å ta av. Men det gjer ikkje så mykje. Og strengt tatt er det eigentleg det aller viktigaste. 

Jada, jada. Eg VEIT eg sa eg skulle skrive cirka eit innlegg i veka dette året. Og nei, det har dessverre ikkje blitt tid til det. Verda mi har vore mildt sagt hektisk siste par månadane, så eg får freiste å starte på nytt. No. Snart. Kanskje allereie til neste veke. Consider this a fresh start! ^^

For no er det på tide med ei oppdatert ynskjeliste!! Bursdagen min er rett kring hjørnet, og eg har i det minste freista å vere hakket kortare på ynskjeliste-fronten enn på lengje. Så ladies and gentlemen; dette vil eg gjerne få til bursdagen min!! <3

Eg har for tida fått litt Sims-dilla, så det er to pakkar eg har VELDIG lyst å utvide samlinga mi med!

Annonse Tights.no

SLÅ TIL: Opptil 70 % på treningstøy nå

The Sims 3 Expansion:

Studentliv og De Fire Årstider. Andre stæsj-pakkar er òg hjarteleg velkomne, men mest av alt er det desse to som trunar høgast på lista! ^^

I tillegg er det nokre spel til eg gjerne skulle hatt klørne i, hovudsakeleg til pc sidan eg snart er utan PS3, men eg takkar ikkje nei til å få dei på konsoll anyways! Det ligg i planane å skaffe seg ein ny, nemleg!

PC & PS3-spel:
TombRaider
The Walking Dead – Survial Instinct
SimCity

Det er ikkje så veldig mange filmar som ligg høgt på lista i år, men det er nokre få:

DVD/BlueRay:
Men in Black 3
StarWars-samlepakke (helst på BlueRay)

Nokre ting må det nesten vere plass til òg. Relativt fornuftige ting, faktisk! :oD 

Gryteklutar
(for eg har nesten ingen fine igjen! Marky åt seg godt veg gjennom samlinga…)
Nøkkelskap, type nostalgisk

Okay, den siste var vel meir tøff enn nostalgisk, men eg ynskjer meg noko fin-fint å hengje i gongen jaffal! Den eg har vil ikkje nøklane hengje på lengjer! :O

Oooog, eg tenkte å gjere huset mitt litt meir oversikteleg, og då treng eg oppbevaringsboksar. MASSE oppbevaringsboksar. Til alt frå vaskepulver, knekkebrød, kattemat og hei som det går!

Berre for å illustrere nokre dømer på fine oppbevaringsduppedittar! ^^ Mesteparten av dette er frå Kremmerhuset, men oppbevaring er stikkordet!

Så kjem Monster High-dokkene. Det er kanskje det einaste på ynskjelista mi som er litt “off” denne gongen! Men eg ELSKAR dei.

Går det an å -ikkje- elske dei?! Så JA! Sånne har eg lyst på! Såg dei hadde dei til 99,- på ein leikebutikk (som eg sjølvsagt ikkje hugsar namnet på!!) så då er ikkje prisen så ille? Har (dessverre) berre Rochelle Goyle foreløpig (gargoyle’en, if U didn’t get that?), men eg håpar på å få utvida samlinga på sikt! ^^

Eg ynskjer meg faktisk ei yoga-matte! Har veldig lyst å byrje med yoga, men ei frisk matte å utfalde seg på hadde gjort seg! 
Og ein embosser hadde vore fint. Eg hadde ein fantastisk draum der mor mi hadde funne ein LILLA ein til meg, og eg var heilt i ekstase!! Finaste fargen jo! :oD
 Ikkje at den treng vere rosa eller neongrøn eller noko fancy sånn eigentleg. Så lengje den virkar er eg meir enn nøygd! ^^

Nokon som hugsar desse frå DNA?

Dei er sjølvsagt frameis på lista. Og om skjebnen ikkje skjenkar meg desse skoa i denne omgongen heller, så får dei heller forflytte seg til lista over ting eg sparar til. Medan eg intenst håpar dei snart kjem på sal!!

Og så ynskjer eg meg ei krydderhylle. Fann ei på Black Design som funka, og fann i same slengjen ei handfull andre ting eg falt for:

Har falt skikkeleg for dei tallerkane med sånn hjartekopp til! Helst i svart. Aaaaw, finaste! ^^

Og så er det nokre bøker eg har veldig lyst på! 

Bøker:
I Am Legend
Hitchiker’s Guide to the Galaxy
Alle Harry Potter-bøkene, helst på engelsk!

Og så har eg veldig lyst på den nyaste CD’en til Lordi: To Beast or Not to Beast!! 

Likar du å gje gåvekort? Her er nokre veldig gode forslag til gåvekort EG syns er fantastiske å få! 

Gåvekort:
Outland
Indiska
Dragens Hule
Kremmerhuset
Åhlens
Platekompaniet

Og sist men ikkje minst: EG YNSKJER MEG PENGAR!!!! Eg har sjukt mange planar for ting eg har lyst å kjøpe, som må sparast til.  
Fyrst og fremst sparar eg til å ha råd til ein kinesisk nakenhund. Og så vil eg på FERIE snart!! Type utlandet! ^^ Billettar til Nick Cave-konserten i Bergen i sumar hadde vore utruleg fantastisk òg, dersom det ikkje blir utseld før økonomien min stabiliserar seg.
Pluss at eg lever i trua om å få råd til nagleskoa min. Sånne dyre sko må det rett og slett setjast av ei årsløn til! xD
Og heilt til sist: Eg vil ha meg ny PlayStation! PS3, vel og merke. Teite PS4 er visstnok ikkje kompatibel med spela mine. Dummingane. 

And there you go! Jaggu blei det nokre ting på lista mi i år òg! xD

Det går mot betre tider. Håpar eg.
Siste veka har eg hangla kring med tett nase og småitchy hals, og berre hatt utruleg masse sympati med meg sjølv. Men laurdags morgon vakna eg og hadde ALL grunn til å påføre meg sjølv litt ekstra sjølvpleie. Og omtanke. Og det som ellers er påkrevd når ein vaknar med influensa. Sånn som sjokoladeis frå Ben & Jerry’s til over 60 kroner boksen. *uuups*

Men eg trur kanskje eg greidde å bremse det heilt store influensa-forfallet litt, med mine forebyggjande tiltak. Så eg tenkte eg skulle dele mine tre beste “kjerringråd” som bør følgjast når ein merkar at helsa byrjar å skrante:

Kamille-te med honning:
Eg syns det smakte hestepiss med tilsett sukker i starten, men etterkvart som eg blei van med smaken, var det eigentleg ikkje så ille. Faktisk er kamille-te beroligande og koseleg. Og eg føler meg særs alternativ når eg sit der og nippar i den.
Men framfor alt er den super-effektiv når forkjølelsen set inn! Berre hugs honningen. Det er mange som har gått på limpinnen der, og droppa den, med det resultatet at dei vaknar akkurat like sjuke som dei hadde gjort utan råda mine.
Så, altso. Honning er alfa og omega når ein fyrst skal ta knekken på ein teit forkjølelse. Og kamille-teen kan verken bli for sterk eller på nokon måte OD’ast!! Putt gjerne TO te-posar i koppen din. Og fyll på med ei RAUS te-skei honning. Eg held ein knapp på den honningen med Ole Brumm på. Den er litt ekstra…eh, søt. Hm.
Pøs på! Drikk som om du ikkje har gjort anna! Eg kan love deg du ikkje kjem til å angre! ^^ 

Annonse Tights.no

SLÅ TIL: Opptil 70 % på treningstøy nå

Sitron:
Eg har høyrd rykter om at c-vitaminar skal vere sunt og godt og forebyggjande. Om det stemmer, så bør ein sannsynlegvis få i seg rikeleg av dette òg, når vinterkulda tvingar seg ned i lungene og får deg til å rasle og surkle som ein vaskemaskin med akutt reperasjonsbehov. 
Dette er grunnen til at eg køyrer sitron-shots når eg merkar at helsa hanglar. Eit shot-glas (eventuelt eit eggeglas) med sitronsaft, anten nypressa eller frå sånne flasker som ein dryp i teen sin, morgon og kveld, og kroppen får eit ekstra lite push i rett rettning. Som vil sei vekk ifrå rennande nase, sår hals og mindre praktisk whiskeystemme. 

Søvn: 
Den som søv, syndar ikkje. Eller så har han akkurat synda, og innhentar seg sjølv. Uansett, så kan ein ikkje sove nok når ein er sjuk. Pakk deg inn i ei varm, god dyne, ta på deg favoritt-pysjamasen, få kjærasten, naboen eller romkameraten din, eller ein tilfeldig passerande til å dunke puta di så den blir luftig og og å liggje på, og bestill ein einvegs-billett til Draumeland.  Overstay your welcome. Og nyt det. Eg er overbevist om at eg har vore litt betre for kvar gong eg har opna gluggane etter ein time eller to på auga. 

….og sist men ikkje minst, har eg oppdaga at gelè faktisk er ein god ven i nauden. Eg er litt usikker på kor mykje cred den fortenar, men eg har kvelva i meg ein heil boks, og likar å tru at sidan gelè i utgongspunktet er vatn i fast form, så vil det bidra til at væske-inntaket i skrotten blir høgare. Og det skal visst vere bra det med, når ein fyrst ligg der! ^^ Såh, eg anbefalar folk å ete gelè. Om fleire føler det faktisk virkar, så gje meg ein lyd! xD
La oss håpe at eg i morgon vaknar endå friskare og raskare enn på lengje. Det ville så absolutt gjort seg.

Bileta er lånt frå:
http://www.123rf.com/photo_7826419_herbal-camomile-tea-on-a-white-background.html
http://www.vitalen.no/frukt/sitron.html
http://maidimoo.wordpress.com/2012/06/26/this-seems-fitting-right-now/

Så var nok eit år omme, og eg har så langt greidd å unngå å tryne inn i det nye året, i motsetjing til kva eg gjerne har bruka å gjere. Det blei ei roleg nyttårsfeiring, hovudsakeleg med pinnekjøt og Buffy. Martine var her, og ein kan sei at stemora hennar sette VELDIG stor pris på at trultao endeleg ville sjå Buffy med ho igjen! <3 Whohoo! :oD

Annonsørinnhold

Freshe sneakers: Dette er skoene som gjelder nå

Men når eit nytt år står for døra, så er det på høg tid å kome med nokre nyttårsforsett som eg kan bryte! 
I 2013 skal eg prøve å gjere følgjande:

Setje av ein dag i veka til kreative hobbyar

Det vere seg brevskriving, scrapping, male, foto….Eg har så mange prosjekt liggjande, at eg burde så absolutt sjå til å bli ferdig med nokre av dei! Vurderar å setje av sundagane til sånt noko. Før var eg jo kjempeflink til å vere kreativ, om enn ikkje kjempeflink kreativt, og eg saknar det verkeleg. Særleg det med å få bilete i album burde eg skjerpe meg på. Det er så utruleg koseleg å ha sånne fine minner i orden og permar! ^^

Skrive!!

Bøkene mine blir ALDRI ferdige. Men eg skal setje av litt tid til å faktisk skrive no. Ha med meg noko på laptopen som eg kan putle med når eg sit og ventar på bussen eller eventuelt når eg sit på bussen. Målet er å få ferdig anten Calendilah eller Med ei Grav i Helvete, men sannsynlegvis blir det novellesamlinga eg kjem til å satse hardast på.  

Lese på senga

Eg saknar å forsvinne inn i verda til Tolkien, C.S. Lewis, Anne Rice og dei andre favorittforfattarane mine. Dei siste åra har eg hovudsakeleg lese teikneseriar, og for all del! Eg ELSKAR teikneseriar! Men som regel har gubbelusken masa om å få slått av ljoset, og dermed blir det ikkje så mykje lesing. Men no er det nok. No VIL eg lese litt kvar kveld. Eg får heller fortelje han fyren min at det styrkar skriveferdigheitane; han masar tross alt hòl i hovudet på meg om at eg må bli ferdig med bøkene mine! xD 

Trene

Jepp, eg skal trene. Eg skal melde meg inn på SiB, og stille i joggebukse og med go’sko på beina, og bli både støl, sveitt og sliten. Her skal det strammast opp både her og der, for sånn det er no heng ting litt og sleng. Kroppen min er blitt AMAZING etter operasjonen, men eg har knapt hatt tid til å trene. Eller råd. Eller ballar nok til å trappe opp aleine borte på Sprek & Blid. Men med (forhåpentlegvis) psykisk støtte frå Cejo satsar eg på å kome igong igjen. Poledancing freistar òg, men det får me sjå litt an. Økonomien får avgjere om det i det heile blir eit alternativ! 

Blogge


Eg fattar eigentleg ikkje kva som skjedde på bloggefronten. Brått blei det nada blogging og masse fjasing her i garden. Før dokumenterte eg nærmast kvar einaste dag i detalj, men så stoppa alt opp. No more. Eg vil prøve å kome inn i bloggemodus igjen, og i det minste klare eit blogginnlegg i veka. Jiiz, eg byrjar å innsjå at eg blir nøydd å stå tidleg opp om dagane for å få tid til alt! xD Men då har eg i det minste masse å skrive om, sidan dagane brått blir lengjer! xD 

Prioritere venane mine <3

Herregud, eg føler eg har fullstendig ramla ut av det sosiale laget! Dagane har vore så hektiske, og det har vore så mykje som har foregått, at eg føler eg har forsømd venane mine noko så hinsides! :O Dei betyr jo ALT for meg; kvifor har det då sklidd sånn ut!? Nei, nok er nok. No skal det lagast avtalar, og avtalar skal haldast. Jentekveldar, pils på by’n med go’gutta mine, spelekveldar og kafèvitjingar: I’m back! Om dei stakkarane eg har forsømd i det heile er villege til å ta meg tilbake? 
Oooog, eg må bli flinkare å ringje folk. Det er enkelte som bur litt for langt vekke til at eg får prata med dei dagleg face-to-face, og dei må eg ikkje gløyme! :O  

LEVE!!

Eg lovar å gå på trynet, både i edru og bedugga tilstand. Eg kjem til å utsetje å betale rekningane mine fordi eg heller vil kjøpe akkurat DET skoparet. Eller DEN veska. Eg lovar å forsove meg, bli hyperstressa når eksamenstida nærmar seg, nerde i litt fleire timar enn det som sannsynlegvis er anbefalt, og eg kan garantere at eg kjem til å ete ein og anna sjokolade som eg ikkje hadde hatt vidare godt av. Du skal ikkje sjå bort ifrå at du får ein telefon eller ei melding frå meg midt på natta, fordi eg brått finn ut at eg gjerne skulle hatt DEG med på akkurat DEN festen. Eller fordi eg brått finn ut at eg er sjukt glad i deg. Du kjem til å riste på hovudet neste gong eg går til frisøren, og sei: -Kor gamal ER du eigentleg?!
Det same gjeld klesskapet mitt; det blir ikkje shoppa inn kjipe vaksenklede når garderoben min skal fornyast.
Men eg elskar faktisk livet mitt. Og det har eg så absolutt tenkt å halde fram med i 2013! 

Bilete lånt frå:

http://www.smashingmagazine.com/2009/12/30/stunning-fireworks-photos/
http://www.scrapping.no/?p=5674
http://nowrigglingoutofwriting.wordpress.com/
http://www.wallpapervortex.com/tag-dragon.html
http://www.mycorestrength.com/?page_id=14
http://thegospelcoalition.org/blogs/trevinwax/2012/10/30/6-changes-in-6-years-of-blogging/
http://rmaspero.com/2011/11/29/hand-of-friendship/ 
http://thinkpositive30.com/blog/2011/10/11/love-life/ 

Dei siste tre dagane har vore vonde. Forferdeleg vonde. 
Eg mista go’voffen min; Maggie Megumi Miraquel. Den nydelege voffen min. Besteven og baby.
Det gjekk heldigvis fort, så ho slapp å lide i det lange og breie. Eg har tenkt å skrive eit langt og fint innlegg om veslejenta mi når eg er tilbake på øya, og har masse bilete som eg kan pynte det med. Men foreløpig er det litt vondt og sårt.
Ho er gravlagd i hagen her hjå foreldra mine no, og eg søkjer trøyst blant andre firbeinte englar. I dag har eg nappa og kamma Kira, kosa med Lille My og Fenris, og hatt to lengre og djupare samtale med fjordinghesten Espen. Det hjelp masse. Eg sovnar med senga full i kosete pelsballar, og vaknar gjerne med eit par ekstra kring meg. Så sjølv om tårene piplar fram i augekroken så snart eg tenkjer på Magz, så trøystar resten av dyrehagen meg. Eg MÅ ha dyr kring meg, så enkelt er det.
Og dyra forstår. Då me hadde gravlagd Maggie i går, sette Kira seg ved fotenden av grava og grein. Saga og Luna og Rafaela klynga seg saman kring meg då me kom heim etter at Maggie var sovna inn. Men dei fekk heller få seg ei langweekend hjå tante Nett’n og onkel Roger, sidan pappa’n min er så allergisk mot gnagarar. Dei kan jo ikkje få det betre enn der. <3

Forhåpentlegvis skal eg hente meg ein pusebeibi hjå Jeanette i løpet av neste veke. Det var jo eigentleg avtalt og planlagd. Planen var å introdusere vesle Skumring og Maggie denne helga, men det gjekk jo ikkje heilt som tenkt. No hadde då vel og merke Skumring forsvunne her om dagen, så eg går berre og hååååpar at det ikkje har skjedd noko med veslejenta mi! Vil ikkje miste endå fleire nurk på så kort tid…! 

Så no sit eg her i stova til mamma og pappa med Kira liggjande på føtene mine. Mamma lagar graut (og eg MÅ jo prøve å få i meg litt; eg kan jo strengt tatt så smått byrje å ete litt fastare ting etterkvart! Og mamma lagar verdas beste graut!!) og gubbelusken er på hyttetur med mamma’n sin. 
Eg skal straks hive meg i dusjen. Eg luktar hest og bikkje så det held! ^^ 

Mann på 34 år sit i hagen og furtar fordi kjerringa sa at no fekk han ta kveld og kome seg inn. Og så seier han at EG må bli vaksen?! *facepalm*

Men over på noko anna. ancient_girl kom over eit deppe-innlegg på ein av privatbloggane mine, og kom med ei genial oppfordring til meg om å lage ei liste over ting eg kan gle meg til framover! Leggje litt planar og belønne meg sjølv etterkvart som eg skrir framover på min supperiske veg. Er det eigentleg eit ord? Supperisk? Bygones.  
Eg har tenkt å gjere det til mi vesle greie; kvar dag skal eg prøve å få gjennomført EIN av desse tinga, og forhåpentlegvis vil dei komande 30 dagane gå SWISJ avgarde. Supper og mosamat til sides. 
Nokre av tinga vil av praktiske orsaker ikkje vere mogleg å gjennomføre før det har gått litt tid, som til dømes punkt 8 og 17, men då tek me det mot slutten av månaden. Som kanskje blir nærmare to månadar, sidan nokre av tinga tek litt meir tid enn ein ettermiddag å få gjennomført.
Men i alle fulle fall; her er lista mi:

1) Plante roser i hagen 
2) Kjøpe ny dongerishorts, som får rompa mi til å sjå heilt SMASHING ut!!
3) Ha jentekveld!!
4) Reise på picknic ved sjøen.
5) Besøke pusebeibisen min; Skumring <3
6) Male hagemøblane
7) Kjøpe ei solseng og liggje i den i berre bikini ein heil ettermiddag og løyse
kryssord og høyre på musikk.
8) Ta ein ny piercing.
9) Gå til frisøren.
10) Bade!!
11) Gå på kinarestaurant.
12) Ta meg ein skikkeleg heimespa-kveld.
13) Farge håret mitt.
14) Bruke gåvekorta mine!!
15) Gå på kino med gubbelusken og sjå Men in Black III
16) Ha full clean-out garasjesal i hagen. Vekk med ALT eg ikkje treng meir!
17) Gå på by’n.
18) Syngje karaoke!
19) Ha grillkveld i hagen.
20) Organisere og planleggje ein ferietur til utlandet.
21) Besøke Gunvor-mi <3
22) Ete knekkebrød med brunost.
23) Reise på hytta og gå på UE i Luster.
24) Ete Deli deLuca-is.
25) Gå på konsert eller stand-up show eller anna show.
26) Plante blomar i blomekassar i hagen.
27) Fiske.
28) Skrive ferdig ei av novellene mine!!
29) Skrekkfilmkveld ein sur og guffen kveld…
30) Ta ein joggetur i regnet!

Annonsørinnhold

Spar stort: Kjøkkenutstyret du kupper på tilbud nå

Etter å ha stått opp og fått i meg litt mat til eit noko lunde allment akseptert klokkeslett idag, gjekk det ikkje lengje før eg var tilbake under dyna. Ikkje fordi eg var noko vidare trøytt, men fordi eg fraus heilt ut i hårspissane. 
Så medan eg låg der under dyna mi og hutra, med klede på og 40 varmegrader på soverommet, byrja eg å fundere over kor pussig eg EIGENTLEG er skrudd saman. Eg meinar; tidlegare har eg hevda at Freud hadde gått ut av side gode skinn om han hadde fått rota kring oppi topploket mitt, men eg trur faktisk  Emil Adolf von Behring (som for ordens skuld var den fyrste som mottok Nobels Medisinpris. Så veit du det!) ville meint eg var eit historisk fantastisk og særs facinerande objekt han med.

Ta dette med korleis eg blir liggjande i fosterstilling under to dyner og fryse. Det er det som skjer når eg får vondt. Det hjelp ikkje kor varm verda er; eg kunne lagt på ei solseng. I ein steikeovn. I termodress. Med øyrevarmarar. Og likevel frose ræva av meg. Det går jo fort over, men eg frys intenst. Det som er au går veldig ofte over, og blir erstatta av at eg frys inni meg. Og det er for så vidt heilt greit, for det er tross alt betre å fryse enn å ha vondt!
Det er ikkje som at eg får fryseanfall om eg dunkar hovudet i ei skapdør som eg gløymde å lukke før eg retta meg opp igjen! Det må vere ting som verkeleg gjer vondt! Menssmerter eller sånn som no; operasjonsau.

Men eg har ein mystisk medisinsk tendens til, eg! Og denne sit i halebeinet. Det fungerar slik, at når eg ser eller høyrer noko som høyres vondt ut, så får eg vondt i halebeinet. La oss sei at nokon visar meg eit sår som ser skikkeleg vondt ut, så må eg ofte reise litt på meg. Halebeinet mitt skrik ut i smerte. Dette fører då i tillegg til ein annan fin-fin mekanisme. Så lengje eg ikkje ser mine eigne sår, så har eg overhovud ikkje vondt, eg! xD Men ser eg på dei, får eg vondt BÅDE der som såret er, OG i halebeinet!

Annonsørinnhold

20 bestselgere som garanterer nytelse

Det er meir òg. Men eg føler meg foreløpig ikkje heilt kvalifisert til eigen utstillingshjørne hjå Ripley’s Believe it or Not endå! xD Så me får ta det seinare. Sometime.
Signing off, og forflyttar skrotten ut i sola.