Det å gjere noko med livet

Categories Kjære Dagbok

Eg har akkurat posta innlegga mine frå turen min og Kriss til Latvia. Og eg har feira jul i BaleBy; av ein heller stusseleg variant. Sjølve julafta var det berre meg, pappa og bestao. Og voffane sjølvsagt. God mat, tradisjonen tru, men me mangla juletre, og mesteparten av kvelden berre sat me og såg TV.

Det blir ein del dautid når ein er heime i jula. Og mi dautid har eg brukt på å fundere på vegen min vidare her i livet. Eg er jo så absolutt ein “ta-livet-som-det-kjem”-person (til Kriss si store fortviling? xD) men eg er òg ein type person som drøymer seg vekk, og gjerne med STOOOORE draumar! Som igjen ikkje alltid er like enkle å realisere.
Men etter planen skal året 2014 vere året der eg faktisk sit med ei ferdig utdanning. Ei vaskeekte bachelorgrad! Og så då? Kva skjer etterpå? Ein kan sei at det er på tide å få seg ein jobb då. Så ja. Det er sannsynlegvis ein plan. Eg -skal- søkje på jobbar no over nyttår, med håp om i det minste å få meg ein skikkeleg sumarjobb.
Men så då? Når eg ikkje skal studere, og før eg faktisk får meg ein jobb som er relatert til det eg enda opp med som stor?
Det er der tanken på å melde seg på frivilleg arbeid av ein eller annan sort melder seg. Eg ga meg i kast med å leite litt kring på nettet for å finne litt info om akkurat det, og blei faktisk litt overraska over at det KOSTAR å reise ut for å hjelpe folk/dyr/miljø/osb? “Få en opplevelse for livet”! Joda. Men å betale kr 15.000 ++ (stort sett minimumsbeløpet) for å reise ut og hjelpe folk syns eg høyres litt ut som å booke seg ein luksusferie…? Eller det ein kanskje kallar “opplevjingsferie”? Tiltaket i seg sjølv er jo tipp topp det, men brått føler eg heile greia blir meir som ein ferie-ting for rike, “bortskjemde” ungdomar frå vesten som vil reise på safari for å sjå korleis fattige har det!
Så nei. Då ville eg heller reist gjennom ein organisasjon som “anset” deg. Ikkje at eg treng betaling, men for min del vil eg HJELPE, ikkje oppleve?

Så det er ein ting eg skal fundere meir på i 2014. Neste mål på agendaen er å få ferdig bøkene mine. Haha, kor mange år har eg ikkje masa om det no? *fnys* Men eg er eigentleg byrja å bli nøydd til å få gjort noko med det, sånn at eg kan få ting til å gå framover!!
For eg vil bli gründer! Wohoo, right? Men eg har ørten geniale idèar til ting eg vil starte opp. Gjerne saman med andre, men det viktigaste er strengt tatt å satse, hoppe og freiste å lande sånn nokon lunde på beina.

Annonsørinnhold
Hoka på salg: Kupp årets modeller til nedsatt pris
Hoka på salg: Kupp årets modeller til nedsatt pris

Stakkars Kriss er sånn passe imponert over planane mine, trur eg! xD Han syns ikkje det er nokon vidare god idè å planleggje ei reise til land der folk er sinte på kvarandre og ting generelt ikkje står så veldig bra til. Men av ein eller annan grunn føler eg meg vannvittig FRI no! Eg kan ikkje forklare det så nøye og bra her og no, men ein kveld var det berre som om brått verda var så open og låg framfor meg, klar til å bli erobra, satsa på, taken in og så vidare!
Eg veit eigentleg ikkje kva det tyder. Og eg veit eg kanskje er litt mystifistisk her. Men det er på høg tid å gjere ein del ting eg har utsett litt for lengje. Og eg må innrømme: Eg gler meg! ^^

Viva La Latvia!

Categories Globetrott

Stakkars Kriss ligg lettslengd på senga vår og tastar på nettbrettet sitt. Han er varm. Det same er eg, men eg har emigrert opp i vindaugskarmen, i berre boxer og ein litt for stor singlet, og håpar at ingen tek seg ein tur ut i bakgarden medan eg sit her. Det er varmt. Eg drikk pisslunka pepsi light, for pepsi max har dei jammen ikkje her. Tomeito-tomato. Det går uansett mykje for det same. Aircondition var det heller ikkje her på huset, med unntak av den øverste etasjen. Eg reknar med det er ein eigen prisklassen der oppe òg.

Men sutring til sides. Me har det fantastisk. Rommet vårt er smashing, trass i varmen. Det er ljost og fint og romsleg nok til to individ som er vande å bu i sardinboks frå før av. I kjellaren er det spa og basseng, og eg går med seriøse planar om reservere meg eit opphald der i løpet av morgondagen!! Bodypeeling, ryggmassasje og andletsbehandling. Whohoo!!

La oss no oppsummere dagen. Me reiste heimanfrå klokka 04:00 i natt, og flyet vårt kring 06:30 frå Flesland. Eg var trøytt, så eg sov mesteparten av turen, på skuldera til Kriss. Stakkars. Flyseter var viste seg å ikkje vere hans fyrsteval av soveplass! ^^ Cirka to timar i søtt lite propellfly, wroom-wroom, og så var me her då!
Eg hadde lese meg opp på at taxisjåførane kunne vere temmeleg sleipe, men han me enda med virka då som ein hyggeleg kar. Eg spurde kor mykje han skulle ha for å køyre oss til hotellet vårt, me fekk ein pris, og det var det me betalte. Koselege mannen. Kom på 112 kroner i norske peng, og det syns eigentleg ikkje eg var så ille?

Annonsørinnhold
Oversikt over salgene: De beste kuppene nå
Oversikt over salgene: De beste kuppene nå

Når me kom hit, opna himmelen seg, og det ramla bøttevis av vatn frå himmelen. Litt som heime, eigentleg. Me rusla litt i dei to kjøpesentera som ligg på andre sida av gata her, kjøpte oss masse drikke og litt å bite i, før me gjekk på ein restaurant som dei kalla Čili Pica der eg kjøpte meg ost- og baconpannekaker med fløytesaus, medan Kriss fann seg ein pølse – og skinkepizza som tydelegvis fall i smak då han kunne få den utan kvitlauk! xD
Så gjekk me heim. Og sov. Og sov. Og sov litt til. Vakna i 8-tida om kvelden, og gjekk ut for å kjøpe litt meir å ete på. Det blei sjokolade i ulike variantar, pølsebrød, meir fluider og eg freista å prøve meg på ein lasange, som ein fekk med seg kald frå butikken og med MASSE sjampingjong i. Det er jo eg så glad i….Men den var sånn sett god; betre enn mykje av det ein gjerne får servert på våre “delikatesse-butikkar” heime i Noreg! (NB! NB! Dei har Deli’s her!!)

Så no er me tilbake på rommet for å koooose. Og ikkje minst planleggje resten av opphaldet vårt!!
Kriss saknar Khavi og Angus og Raphaela. Han freistar å drukne sorgen i sjokomjølk og episodar med Simon’s Cat! <3

Nyspadd. Best i test: SJOKOMJØLK! Og Dudleif.

Categories Globetrott

Då ligg eg slengd på senga og føler meg nær sagt utslått. Ein blir vel gjerne sånn etter å ha bli knadd på for 70 lat! xD Syns det var rimeleg, eg! Med tanke på behandlinga eg fekk! Fyrst var eg og Kriss i bassenget og låg i blaut. Litt steambad og litt sauna, og masse chilling på varmebenk og solseng. Så blei Kriss friteken frå pliktene, medan dei tok meg med inn på eit av behandlingsromma. Der vanka det fyrst massevis av kremar og scrubs i trynet, etterfølgd av andletsmassasje og arm/hand-massasje. Så blei eg skrubba med eit slags salt-opplegg av ei søt dame som tiltalte meg som “madamme”, før dei rulla meg inn i plast, og lot meg liggje der som ein annan marinert kylling. Til sist blei eg massert i cirka 45 minutt, og eg skal ærleg innrømme eg sleit med å stå på beina etterpå. Dei ga meg grøn te og nokre mini-cookies (som var skikkeleg yummy!!), før eg betalte og takka fint for meg. Nytt menneske. Gah! Så DIGG!! ^^

Fire og ein halv time på spa. Totally worth it. Men litt andre ting har me gjort òg! Me var på sightseeing i dag òg. Tok bussen til den russiske ambassaden, og leita oss fram til det Medisinske Musèum. Eit gamalt sjukehus som no var fylt med sære figurar frå apemennesket og fram til i dag, i alle slags merkverdige situasjonar som stilte krav til medisinsk kompenanse. Her var det heksedoktorar og tannlegestolar, svartedauen og foster på sprit. Mesteparten var verken på engelsk eller andre språk eg kunne tyde. Men me fekk vel tak i essensen av det me såg på!
Etterpå bussa me heim, fekk i oss litt mat og gjekk på spa.

Litt kjøleg her i kveld. Eg trur at eg kanskje for fyrste gong sidan me kom hit, kan sove -under- dyna. Høyres ut som ein plan. Eg kjem til å sove godt i natt uansett.
Kriss har omsider funne sjokolademjølka “si”. Den hadde dei på TIGER, og me var innom ein tur igjen idag. Fann meg eit sånt kakefat som dei har slutta å selgje på TIGER i Bergen!! Whohoo! Ville helst hatt i lilla då, men dei hadde berre i blått og grønt. Blei blått då. ^^
Kriss rusla ut frå butikken med ikkje mindre enn 5(!!) flasker sjokomjølk!! Han har vel sånn cirka prøvd alle sortane dei har i Riga til no? Den beste så langt må vel vere den katte-mjølk-typen som me fann på RIMI, men den blei meir dessert-aktig og litt for mektig. Men DAMN så god! Og her er dommen:
(sjokolademjølk-dommen)

Me har fått oss ein liten ven her nede. Dudleif heiter han. Han er adoptivbroren til måsen Mikey, som bur borte ved Origo-senteret. Dudleif er ei due. Han bur på altanen nede utanfor hotellresepsjonen. Veldig høfleg kar, som ikkje er så veldig glad i born. Dei trampar nemleg.

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

Den Store Sløvedagen!

Categories Globetrott

I dag har me vore lite produktive gitt! Men i og med at eg fekk mensen i dag, så slo kroppen min seg fullstendig av, og magen min var så au som den overhovud kunne bli. Dermed stod me opp, åt frukost, og gjekk tilbake til senga. Der blei me rimeleg lengje, og det gjorde seg.

Då me omsider krabba ut av loppekassa, gjekk me ein runde i området, sånn at Kriss fekk sjå nærmare på ein elektrobutikk han lokaliserte då me reiste kring med sightseeing-bussen. Dei hadde leikebutikk der òg, så eg fekk kike på dokker! ^^ Enda med at eg kjøpte meg ein HIM-cd, og så rusla me vidare og såg oss omkring. Me fann òg ein TIGER-butikk rett kring hjørnet for her me bur, så no er Kriss sjølvforsynt med sjokomjølk for ei stund! Eg surra i opptil fleire klesbutikkar, og fann til slutt ein på kjøpesenteret Stockman, der eg hamstra meg ein ny topp, ny shorts, ei knæsj-rosa strømpebukse, nye blååå solbriller, to par sokkar og ei truse! xD Kom på 17, 50 lat, noko eg for min del syns var latterleg billeg samanlikna med kva eg hadde fått for same prisen i Noreg! :O

Me åt pizza igjen, hamstra litt snop og noko drikke, og returnerte til hotellet. Så no skal me slengje oss på senga og glo på American Horror Story sesong 2!
Prøvde meg på litt is idag; folk i Riga er ganske glade i is. Dei har is-vogner på kvart gatehjørne, og isen deira ser veldig god ut! Men den eg kjøpte smaka eigentleg mest som formasj. God, joda. Men litt for syrleg for min gane, samanlikna med norsk is!
Ein annan ting dei er veldig glade i her, er pannekaker. I alle slags variantar og utgåver. Og Cili Pica, som me har kome fram til at må vere det latviske alibiet for vår Peppe’s. Dei har det på kvart einaste handlesenter og i kvar einaste gate. God mat, og rimelege prisar. Mat generelt er veldig billeg her! Klede er mykje det same som heime sånn jamnt over, men finn du dei “rette” butikkane, finn du gjerne MASSE klede og accessories til kring 1 lat! (som vil sei cirka, grovt rekna, 11 kroner og 50 øre etter dagens kurs!)

Annonsørinnhold
Oversikt over salgene: De beste kuppene nå
Oversikt over salgene: De beste kuppene nå

Observerte òg ein veldig sinna mann utanfor hotellet idag! Han snakka høgt og sinna på gebrokkent engelsk i telefonen, og han “refused to accept this hotel and that room! This is hospitality! I don’t know if you know what that means, but that’s what it is: Hospitality!” (eg truuuur kanskje han meinte “hostility”?) Eg fekk ikkje meir med meg av samtalen, men tenkte med meg sjølv at den fyren DER har gått glipp av eit eller anna. Han tok med seg kona si, og forsvann nedover gata med kofferten trillande etter seg, medan han held fram å krangle i telefonen. Rar fyr; hotellet her er jo heilt fantastisk?

Late dagar….

Categories Globetrott

Nei, eg kan vel ikkje sei gårsdagen var sånn vidare kjempelat då. Eg og Kriss kjøpte oss 5-dagarsbillett til tog, buss og trikk, og står dermed fritt til å cruise kring i byen. Genialt konsept. ^^ Så i går reiste me til kjøpesenteret SPICE, som visstnok er det største handlesenteret i Baltikum. Eg var ikkje sånn kjempeimponert. Me keik litt, men handla ikkje noko spesielt. Det vil sei, eg kjøpte meg Monster High-dokka Catrine de Mew, billegare enn i Noreg, ein nøkkelring som likna på Khavi med bambiblikk og ein ring-haldar utforma som ein divan.
Senteret var i to bygg; eit “motehus” og eit til meir huslege artiklar. Eg oppdaga til mi store overrasking at dokka eg hadde kjøpt meg, presterte å utløyse kvar einaste alarm i kvar einaste butikk me gjekk inn. Og då me kom til Elkor-avdelinga der dei selde eletriske produkt og leiketøy, blei eg innhenta av ein streng, eldre vakt som trudde eg hadde naska med meg noko!
-You buy this?
Eg nikka.
-At the shop on the other side of the parkinglot, sa eg. Han endevende pakken min, og ga meg nokre morske blikk. Eg rota gjennom ein million kvitteringar, og fann til slutt den rette. Han keik på den, så på meg, og så opna han eska til dokka mi og fjerna ein skjult alarm. Og eg kunne puste letta ut. Eg HATAR tanken på å havne i trøbbel i eit land der eg ikkje kan språket!!
Då me var på det medisinske museumet, sat det ei gamal dame i kvar sal og passa på, og ei anna eldre dame sat i kassen. Og dei kunne NADA engelsk! Eit og anna tysk ord på sitt beste. Såh, eg måtte friske opp mine tyskspråkelege kunnskapar, til min store frustrasjon! xD

Men tilbake til SPICE. På andre sida av gata der, var det ein kyrkjegard!! Eg drog med meg stakkars Kriss inn dit, og fòr mellom gravene som ein unge i ein fornøyelsespark. Eg ELSKAR kyrkjegardar og gamle gravplassar! Og eg er heilt facinert over kor vakkert det var der! Folk stelte verkeleg gravene; det var laga til meir som bittesmå hagar kring kvar grav, og heile gravplassen låg meir som inni ein skog! Det var berre så nydeleg og idyllisk, at eg var på nippet til å kjøpe meg ein tomt! xD
Kriss innrømma han tykte det var fint der han med, men hans entusiasme for slike plassar er vel mildt sagt langt ifrå like intens som min! xD

Så bussa me tilbake. Rusla litt i hood’n, og så freista eg å dra med meg Kriss på ein tur i parken etter mørkrets frambrot. Heller lite entusiasme å spore hjå karen då òg; han frykta det var narkisar bak kvart tre! Fælt så skeptisk ein blir til slike plassar når en har røt ifrå Bergens-området?? Haha! Syns det er minimalt med narkisar her, eg! Og gamle damer rusla då fredfult gjennom parkanlegget, trass i at det var natt? Men pyttsann. Eg fekk teke nokre fine bilete, og skal gå amokk med kamera i nokre dagar til før eg gir meg.

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

I dag har me vore heller sløve. Det vil sei; eg har vore sløv. Eg vakna med så masse au i skalle og mage, at planen vår med å gå i dyrehagen var fullstendig uaktuell. Ikkje orka eg tanken på å gå på Naturhistorisk Museum heller, sjølv om det ligg rett kring hjørnet her. Alt var berre au, og kroppen min ville berre tilbake til senga.
Så me la oss, og sov og sov og sov. Og så vakna me, og la ruta til eit kjøpesenter på andre sida av kanalen, som heitte Olimpia. Dei hadde ikkje så veldig stort utval av ting og tang der, men me var innom Cubus og fekk kjøpt ei ny t-skjorte til Kriss, sidan han nærmar seg punktet der han må gå i nettoen no! xD Eg kjøpte meg eit par nye hipster-truser, ein topp og ein nettingsinglet + eit par nye øyredobbar.
Kriss hadde ikkje akkurat lagt sjela si i å finne ut  korleis det var med bussar heim igjen, så for å sleppe kjeft foreslo han at me skulle gå tilbake. (trur han angra meir på det forslaget enn meg; eg fekk sett meg meir om i gamlebyen, OOOOG tatt nokre fin-fine bilete! ^^) Men det blei ein varm tur, for i dag har det vore skikkeleg lummert her!

Vel, me er tilbake på hotellet, og har shoppa med oss masse snæxx frå Rimi’n her borte. Så no ligg me slengd på senga og momsar i oss alt mogleg rart, og nyt livet i lange drag. Og i morgon SKAL formen min vere fin, for eg vil i dyrehage og helse på dyrenurk!!

The Revenge of the PigeonLady!! (Svart hale, og sopp til middag! ^^)

Categories Globetrott

Eg har slite ut Kriss idag. Dakar guten har blitt dratt gjennom Riga, på kryss og tvers, fordi eg skulle berre “nett” innom den butikken og den butikken og den butikken. Uffe. Han kræsja til slutt ned på senga og slokna som eit ljos. Hihi!

Vel, dagen idag. Me kravla oss ut av loppekassa klokka 09:00 (eller; EG gjorde!) og hoppa i dusjen. Klar for nye eventyr, berre ete frukost fyrst. Og FOR ein frukost?! Det var brød og frukostblanding og pannekaker og frukt og bacon og egg og te og kaffi og salat og pålegg og….Phew!! Min frukost blei to små loffskiver, ei lita skei eggerøre, ein ring med ananas, tre slicer bacon (HIMMELSK bacon her borte!!) og tre minipannekaker med jordbærsyltetøy. Og ein kopp te + eit glas eplejuice. Kjipt å ha minimage når ein får SLIK mat! Kriss momsa i seg bacon og pannekaker, crossaint, rundstykke og pølser.
Mette og nøygde heiv me oss over neste etappe. Bestille spa til i morgon, og ordne med sightseeing-billettar. Så var det å finne busshaldeplassen og vroom-vroom kring byen.
Ein titt i speiglen på veg ned med heisen i dag tidleg fekk meg til å innsjå at det såg nesten ut som om det var mamma og pappa Bårlåg som var på hurratur her! xD
Herreguuud så mykje eg har lyst å sjå nærmare på?! Medisinsk museum og eit slags naturhistorisk museum står på lista mi i morgon. Har sjukt lyst å vitje det erotiske museumet borti her òg, men Kriss vågar ikkje! xD Haha!
Me stoppa i parken ved Fridomsstatua, eller kva den heiter. Ei dame på toppen av ein stolpe som held tre stjerner opp i lufta, i alle fall. Der åt me litt McDonalds-mat, og Kriss blei ein glad gut. xD Så kika me litt i butikkar og rusla ein tur i parken. Der sat det ei is-selgje-dame og klappa på ei kvit due. I utgongspunktet såg det veldig idyllisk ut, sjølv om Kriss kviskra: -Hon ska’ sikkert drepe den!
Me sette oss på ein benk i nærleiken, og dama med istralla freista å gje dua litt brød og litt vatn.
-No ska’ du sje hon prøvar å drokne den, sa Kriss. Dama la dua frå seg i graset og sat litt på avstand og såg på den. Eg og Kriss skravla no vidare, me. Brått tek dama opp ein pose, og pakkar inn dua, som tydelegvis (forhåpentlegvis?) var daud!
-Hon drepte den! Hon har drept duen, kom det frå Kriss. Eg syns vel og merke det såg meir ut som om den eldre dama hadde freista å hjelpe ei skadd due, men Kriss var ikkje så lett å overbevise. Den dua var blitt utsett for eit attentat, det var det ingen tvil om!

Me rusla heimover, og leika turistar på høgt nivå. Knipsa skikkeleg turistbilete, keik på rare ting og var veldig norske! xD Så kapitulerte Kriss, medan eg skreiv kort til samtlege, og så gjekk me på shopping. Dagens fangst idag:

Annonsørinnhold
Hoka på salg: Kupp årets modeller til nedsatt pris
Hoka på salg: Kupp årets modeller til nedsatt pris
  • Digg svart hettegensar med bamseøyre <3
  • Shotteglas i ølglas-utforming med “Riga” på
  • Søøøt bitteliten keramikk-panda!
  • Nye raude solbriller i hjarteform, sidan dei gamle eg hadde ramla frå kvarandre </3
  • Skriveblokk; essensielt når ein er på ferie, og eg gløymde sjølvsagt å ta med….
  • Lilla og svart-rutete/stripe-kjole til cirka 20 kroner
  • HALE!!!!! (i svaaart!)
  • Postkort
  • Hårklemmer. Var rimeleg lei av å få håret ned i augo heile tida!!

Men best av ALT: Eg fann meg PEPSI MAX!!  Kjøpte meg ein sandwich òg, men den var sjølvsagt dynka i majones. Yuck! Må det puttast majones og dressing og sånt noko drit på ALL mat ein kjøper ferdig?! *fnyse* Kjøpte det sånn btw på Rimi! xD Det er faen meg ein Rimi og ein Narvesen på kvart gatehjørne her nede! xD

Då me kom dinglande att frå shoppingrunden, bestemde me oss for å ta middag på hotellet til avveksling. Overhovud ingen dum idè! ^^ Det er seriøst den beste biffen med ovnsbakte poteter eg har smakt på LENGJE! Og så kom den med stekte kantarellar, og eg var skikkeleg flink jente og åt dei utan å mokke! ^^ Whohoo! Godt var det til og med! :oD
Kriss tok pizza han. Han eksperimenterar (risikerar?) ikkje noko med ukjend mat! xD

Mett og nøygd og tilbake på rommet. Fann ein eldgamal og delvis gjenngrodd kyrkjegard på buss-sightseeingen idag som eg har sjuuuukt lyst å utforske før me reiser herifrå! Åååh, gøye byen; har lyst å gjere ALT!!

Siste dag i Latvia…

Categories Globetrott

Det er jo litt vedmodig òg; siste dagen og greier. No går jo flyet vårt seeeeint i morgonkveld, så me har heile dagen på oss til å surre rundt og sjå oss om litt meir. Me utvida tida vår med nokre timar her, så me slepp å sjekke ut før klokka 15.00 i morgon. Det er jo litt greit.

Så, idag har me vore i dyrehagen. ENDELEG! :oD Eg var sjølvsagt som ein liten unge, og sprang rundt og dubba alle kreatur eg kom over. Geiter og løver og sebra og kamelar og til og med heilt ordinære ekorn! xD
Kriss syns det var varmt, og blei til slutt rimeleg hyper der han rusla rundt og kom med gode vitsar. Det blei etterkvart kamelonar kamuflert som dromedarar, men som hadde bomma og heller såg ut som kamelar, og sebra som ikkje var lett å sjå, fordi Kriss ikkje “så bra”. Fyren burde vore standup-komikar! xD
Men jau; det -var- varmt. Men eg hadde jo ikkje tid til å leggje merke til det, for eg skulle jo bli bestis med alle skapnader me møtte! Kom godt overeins med påfuglane! Det kom ei eldre dame som dreiv ein suvinir-kiosk bort til meg og ga meg ein neve popcorn (utan salt!!) som eg fekk mate den fyrste me møtte med. Han blei veldig glad i meg, og kjende meg igjen seinare på runden! xD

No driv Kriss å limer solbrillene han fekk låne av meg. Utanfor vindauga vårt pip det igjen. Det er eit eller anna som står og pip som berre faen halve natta!! Ikkje at det har plaga oss så mykje at me ikkje har fått sove, men nok til at me har irritert oss litt over det når me fyrst tenkjer over det! ;op
Og me har berre ete junkfood idag. Eg må innrømme eg gler meg til å kome heim til grønsaks- og kyllingwok!! <3

Om nokon skulle finne ut at dei vil ta turen til Riga, så vil eg anbefale følgjande:

  • Kjøp eit busskort og bruk det til å ta deg kring i by’en. Bur ein midt i by’n er det eigentleg gåavstand til det meste, men ein kan ta trikk, buss og tog så nær som kvar ein vil i by’n og får på den måten sett litt meir. Sightseeing-bussane var ikkje det heilt store, lissom….
  • Opera Hotel & Spa er fantastisk!! Det er absolutt eit hotell eg anbefalar på det varmaste. Det ligg så sentralt som ein kan kome (følte jaffal me!) og maten og servicen er berre heilt super!
  • Ein kan finne fantastiske og billege butikkar om ein reiser litt nord i by’en. Me var ikkje så mykje der, men eg skulle gjerne ha vore det!

No er Kriss pirkete og innpåsliten, så eg får vie han litt merksemd.

Ynskjelista 2013! Hurra!

Categories Ynskjelister

Eg er ganske imponert over kor effektive og tidleg ute folk er med julehandelen i år! :op Når EG faktisk blir spurd om ynskjeliste? Haha, DEN var ny! xD

Og i år er den ikkje så sjukt lang heller? Eg har faktisk greidd å få både kinesisk nakenhund OG den fancy-smansy skoa eg har sikla på i over eit år!! Så hipp hipp hurra! :oD
Men tradisjon tru så må det stå NOKO på lista mi. Heilt klart. Så her er den. Ynskjelista 2013!

Det er mange ting eg treng, sånn sett. Det er ikkje alle invisteringar eg har vore like flink å prioritere. Så fyrst av alt; dette TRENG eg:

Annonsørinnhold
Netthandelen tømmer lageret: Siste sjanse på kvalitetsvarer med opptil 75% rabatt
Netthandelen tømmer lageret: Siste sjanse på kvalitetsvarer med opptil 75% rabatt

  • Gummistøvlar (gjerne med naglar!!)

  • Regnjakke. Allvêrsjakka eg har blir våt igjennom, så den er tydelegvis ikkje rekna for «all-vêr»

  • Søte lift ? eller kappegardiner til kjøkenet (i ljooose fargar!)

  • Ei allright vedkorg. Det er lite sjarmerande å ha ein IKEA-pose full i ved ståande i stova.

  • Ei fancy krydderhylle. Gjerne litt shabby-chic’ish. I sånn stil kanskje?

 

Og eg treng klede til Pixie. Ho er jo ein liten rockevoff (ja, ho ER det faktisk!!) og treng helst litt varme ting no i vinterkulda. Nokre rundar på Google visar at det OSAR av fantastiske klede til småvoffar!

 

Og seng må ho jo ha! Eg er ikkje storkrevjande sånn sett; ei pute’ish greie burde halde! Men sjåååå på dei fine eg har funne på nettet!!

 

Så var det den litt meir «har-så-lyst-på»-lista mi.

  • Staffeli (anten til å ha på bordet eller til å stå ved. Samma det; eg vil male i med rett rygg!!)

  • PENGAR!! Sparar til to ting: Hawaii-tur og til ny sofa! Snart. Når dyra har lært å oppføre seg.

  • The Sims 3 – Årstider

     

  • PlayStation 3 (den 4’aren er berre jall. Ikkje kompatibel med spela eg alt har ein gong!)

  • Oppbevaringsboksar til vaskepulver. Her er eit døme:

     

  • Yoga-matte

  • Webkamera

  • Monster High-dokker!! Mest av alt ynskjer eg meg Clawdeen Wolf, Scarah Screams og Howleen Wolf!

     

Og til slutt: LOTUS-LYSESTAKAR!! Har forelska meg heilt i dei!

 

Alle fargar og størrelsar er hurra!! ^^

Og så er det sjølvsagt alle bøkene og DVD’ane og CD/LP’ane (jepp, har faktisk skaffa meg heile to LP’ar dette året!)

DVD/BlueRay:

StarWars-samlinga (helst på BlueRay)

Freddy vs Jason

Evil Dead (den nye!)

Evil Dead 2

True Blood, sesong 2

The Walking Dead, sesong 1 & 2 (og 3 og 4! :op)

Bøker:

I Am Legend

Hitchhiker’s Guide to The Galaxy

Alle Harry Potter-bøkene, gjerne på engelsk!!

CD’ar:

HIM ? Tears on Tape

P!nk ? The Truth About Love

Nick Cave & The Bad Seeds: Murder Ballads

Die Antword – $O$

Die Antword ? Ten$Ion

Og om du er i kategorien «gåvekort er geniale» (noko eg er veldig einig med deg i!!) så er følgjande butikkar mine favoritt-sjapper:

Outland

Indiska

Dragens Hule

Kremmerhuset

Åhlèns

Platekompaniet

Og for dei som syns sånt er greit, så ligg jo alltids ynskjelista mi til Dragens Hule her, og blir berre lengjer og lengjer for kvar gong eg er innom sida:

http://www.dragenshule.no/wishlist.cfm?uid=A80411D0F68D76B252B13D1EEBC75E84-32498

Vel, kortare blir ikkje lista mi uansett, men eg gjer mitt beste! xD

Myser på skjermen

Categories Kjære Dagbok

Den største bakdelen med å ha kome til eit punkt der eg faktisk likar sol og sumar, og freiste å kombinere det med å vere datanerd, er at det er komplett umogleg å sitje ute med ein dataskjerm av mitt kaliber på fanget. Eg ser ikkje ein døyt. Og det trass i at eg har søkt tilflukt i skuggen.
Eg sit her, dekka i hundehår, sippar pepsi max og løyser kryssord i staden. Sumarjobb som hunde – og kattepassar er midt i blinken for meg. Kira, familien sin petit basset griffon vendèen, har fått ein omgong frisørbehandling, og både Lille My og Fenris, dei to bortskjemde pusekattane i husstanden, latar seg i sumarsola. Og eg merkar at livet ikkje er så verst.

Men alt i alt er BaleBy ein stusseleg plass for einsame individ. Det skjer fint lite her, og tida står stort sett stille. Late dagar kan fort bli i overkant late, og eg saknar det å kunne stikke til by’n ein svipp. Og eg har berre opphelde meg her i få timar! Heldigvis lurer ein tur med verdas herlegaste gutebass til Latvia og Riga i det fjerne. Det er snakk om sju dagar. Eg får bite tenna saman og sjå framover! ^^

….og så døyr batteriet mitt. Så då blir det ikkje så mykje anna til val enn å emigrere innandørs, og vente på betre tider.

Ville Villekulla – Eit prosjekt under oppføring.

Categories Persona non Grata

Eg greidde å gløyme att fotoapparatet mitt heime før eg sette nasa mot fjordar og fjell i heimlege strøk. Så eg er redd det blir endå eit bilete-laust innlegg. Ikkje rart ingen gidd å lese her hjå meg! xD I staden pyntar eg opp med litt diverse frå nettet. Innlegga mine har ein tendens til å bli ganske så keisame og lite fengjande når dei berre er samansett av tekst…?

Rydde-ferie hjå gamlingane. Yippee! Mamma har gitt meg i oppdrag å få unna rotet på gamle gjesterommet, fordi ho har oppussingsplanar. I tillegg har ho byrja å ralle om at ho syns eg skal flytte heim og overta huset, slik at ho kan overlate rotet til meg. I call it an act of desperation; like greit å få dottera di til å overta huset framfor å rydde opp i rotet. Nuvel. Eg kan ikkje hjelpe for at eg dermed småfantaserar litt om kva eg ville gjort dersom eg faktisk slapp til og skulle omgjere casa del Loco til mitt eige krypinn.
 
(Døme på draumehusa mine!)

Som lita dreia desse fantasiane mot å lage symjebasseng i kjellaren, byggje tårn på hushjørnet og plante ferskentre i hagen.

Annonsørinnhold
Superkupp innen sport og friluft du gjør nå
Superkupp innen sport og friluft du gjør nå

Eg kan med handa på hjarta sei at idèane slett ikkje var dumme! Om ein då vel og merke flyttar bassenget ut i hagen og byggjer bilijard-rom i kjellaren i staden. Eg kunne hatt atilje…attillije…atilè…sånt malerom på loftet, hobbyrom og eit par rom til hundar og kattar og kaniner og….Og eg kunne ha starta ein eller annan form for pensjonsheim for gamle dyr, som salrygga hestar med behov for kvile, og kattar som har levd harde liv på gata i altfor lang tid.

Bibliotek skulle eg sjølvsagt hatt. Med ei skjult dør som førte…hm. Inn i ein mørk vinkjellar! Der eg gøymde vekk vin. Og tequilaen min.

Inntrykket mitt er at gamle tre er ganske vanskelege å skaffe. Me har to gamle pæretre rett utanfor døra her, men dei er ikkje utfordrande nok. Eg ville hatt eit eiketre. Nei, forresten! TO eiketre! Av den typen som byrjar å sprekke litt, sånn at det blir hemmelege gongar og hòlerom i dei!

Dei skulle eg fått plassert oppi bakken her, sånn at eg kunne ha slengdisse i dei, av typen som får deg til å føle at du flyg! Og eg kunne hatt ein hengekøye spent opp mellom dei. Kanskje ikkje eit sjakktrekk dersom eg set trea i motbakke, men det er lettare å flytte hengekøyar enn å flytte eiketre, så ein ting av gongen.

Froskedam må alle tøffe hagar med respekt for seg sjølv ha. Så kunne jo kanskje Sandra stikke innom og finne draumeprinsen sin her, og slå seg ned som rockedronning i BaleBy….? Me treng så absolutt det her!!

Karpe kan òg få bu i dammen min, om dei klarar å overleve kalde sognevintrar? Det må ein jo då setje seg inn i på forhånd, som ein ikkje risikerar at våren kjem, og det berre er beinfrosne fiskepinnar å spore i dammen….Her vekslar jo vintrane mellom istid og sørpelandskap…

For folk tilbake til BaleBy måtte blitt ein kampsak når eg fyrst var i gong her i bygda. Berre det at eg eigehendig hadde bygd opp Villa Villekulla i hood’n, trur eg ikkje er nok til å trekkje folk. Uansett kor fantastisk det måtte vere å vere venen min med eit sånt praktpalass til disposisjon. Me har allereie vore innom froskar til Sandy. Men det er så absolutt eit behov for skjenkemoglegheiter, jobbmoglegheitar og shoppingmoglegheitar. Sistnemnde kaaaan eventuelt erstattast med netthandel, sjølv om det ikkje blir heilt det same. Ein pub er med andre ord essensielt. Og sidan det allereie no er planar for eit bilijard-rom i kjellaren her, så køyrer me på med bardrift i same slengjen. Med ein reell innsats frå mi side, kan eg kanskje prestere å få alle innbyggjarane over på trygd, og ein har dermed eit samfunn tufta på uendeleg med fritid og jamnleg grøftefylla. Noregstoppen i lever-donor-trengjande. Not good. Stryk det siste der.

Nei, trass i fri tilgong til frukt og bær, fjordar, fjell og isbrear, ro og fred, og (for augneblinken) fantastiske late sumardagar, er det vel lite sannsynleg at eg flyttar heim med det fyrste. At eg til tider lengtar heim til den nydelege bygda mi, kan eg godt skrive under på. Men på mine gamle dagar har eg i stor grad blitt bortskjemd med langopne butikkar, relativt fungerande busstilbod og ein stor omgongskrets samansett av fantastiske individ, som dessverre ikkje lar seg flytte til ein stille liten plass bortgøymd inne i ein krok ved Sognefjorden. Men ein gong, når alderen -verkeleg- byrjar å ta på, vil eg tru at eg lengtar heimatt til roseblømande hagar og merkelege opningstider på alle offentlege tenester.

PS! Gidd nokon fortelje meg kva SVARTEN som er greia med alt bosset folk har stilt opp i vegkanten her i bygda?? Hæ? Er det KUNST?! Jiiz.

Bileta i dette innlegget er lånt frå:

http://adventuresinlalalandblog.com/tag/cute/
www.dirnat.no
http://dosfamily.com/2009/08/my-dream-house/
http://s278.photobucket.com/user/Liisa75/media/Gotlanti108VillaVillekulla.jpg.html
http://www.finn.no/r/feriehus-hytteutleie/object?finnkode=34216068